東京之旅- 有無好玩之處,

我都打算1月尾新年去玩七日喎! 由于我地budget有限, 未計酒店, 機票及機場稅, budget預15000, 但由于yen升到嘔, 都可能要預16000, 所以要住新宿toyoko inn, 但比較遠及細, 唔近新宿車站囉! 而家要上網book定酒店喇, 否則我驚full, book唔到, 我既行程係咁既

DAY 1 HK > 東京 > 新宿 (預計19:00前到酒店CHECK IN) 放低行李後, 出去食下野及夜遊新宿

DAY 2 搭JR 去涉谷及池袋, 主要行街影相, 睇下仲有無水尾減價野買到!

DAY 3 吉祥寺及三鷹宮崎駿館, 先去宮崎駿館, 大約睇2個鐘, 食埋晏, 行去吉祥寺PACCO及伊勢丹, 然後去食松阪牛肉BALL! 希望排到隊買到啦!

DAY 4 上午築地食魚生做早餐, 然後搭車去海滨幕張OUTLET (可順道去迪士尼遊玩)

DAY 5 多摩HELLOKITTY LAND及行新既多摩南OUTLET, HELLOKITTY LAND預計玩到3-4點便夠

DAY 6 東京鐵塔影相+上野買手信及下午返新宿最後衝刺

DAY 7 食完早餐, 可以行一陣TOKYO HAND就返酒店搭車去機場返HK

由于我上網CHECK咗築地, HELLOKITTY LAND及宮崎駿館既閉館日, 所以我要SET定咁行, 同埋我自遊行, SET D行程無咁逼, 如果你未去過東京, 可以去埋淺草雷門, 果度影相好靚, 我既行程只要有本GUIDEBOOK及JR地圖, 自己都可以去到, 如果你想刺激D, 可以坐車去富士急遊樂場玩鬼屋及過山車(超級推介), 我玩過一次後, 以後都唔敢玩機動遊戲及夜晚訓唔著! 沿著JR線仲有好多地方可以去, 例如六本木, 原宿及台場, 如果夠BUDGET的話, 建議你住新宿太子, 雖然房好細, 但勝在超方便, 再唔係住KENT HOTEL, 係新宿太子對面, 都好方便, 但價錢就夠平, 約5百幾蚊一晚雙人房!

如果喜歡Shopping ,你可以去涉谷,代官山,南青山,銀座 ,新宿,原宿 等等


如果喜歡看名勝 ,你可以去新宿御苑,東京鐵塔,淺草仲見世街,淺草寺


如果喜歡玩機動遊戲 ,你可以去富士急遊樂場 ,東京迪士尼

你出左機票未架?