BB已經20個月不肯吃飯仔?

若果佢係平時出慣街或者有去飲茶食野既，咁就可能係食慣左濃味食物，咁你屋企果D飯仔係完全冇落鹽既，你而家可以落小小，調下味，有味既佢會鐘意食多D
有D BB係唔鐘意食飯既，而且都唔一定要比飯佢食架姐。做媽媽既要識得變通，佢唔食飯既咪試下其他囉，佢而家20個月，你可以比其他食物佢，例如係通粉、米粉或者麵都得。可以係D粉麵入面加D紅蘿蔔，甜甜地都會好味。等佢食開個胃口，之後既日子就自然會食飯架喇 (你可以隔住飯同粉麵咁比佢食)
另外你亦可以整番薯蓉比佢食，番薯都好有益架，久唔久食一次都唔錯，甜甜地幾好食。可以既話加埋薯仔一齊煮仲好
做法好簡單，將番薯同薯仔烚熟，去衣後壓至全爛，喜歡既加小小牛油或者小小鹽調味，小朋友一定鐘意食。但係小朋友屬於大隻型就唔好食咁多喇，越食越肥就大獲喇...

bb仔唔肯食野
好有可能係中醫所講ge生積
可以試下去藥房買d甘積散比bb食下
反正係中成藥
無事都可以當保健咁食
我有3個小朋友
bb仔戈時己經耐不耐比一次解奶茶或者七星茶
保嬰丹同珍珠抹佢地食
大個仔都間唔中帶佢地去睇下中醫
清下個低
個個都好食得,又大隻
最緊要係無乜病痛
打好個低
無論大人同細路都舒服d la

你先要找出他不吃的原因呀!
會唔會係你煮得唔好食呢?
會唔會係食了唔舒服呢?
會唔會係個飯仔太樣衰呢?
會唔會係你引入固體食物時太突然, 嚇怕了他呢?
你係咪成日夾硬餵佢呢?(你越係夾硬, 佢越係驚, 唔肯食, 你要俾佢自己食)
找出原因才可以解決到的。

係咪d飯太硬啊?
你試下一d軟身d既飯
又或者你可以+少少d菜仔入去or其他
等個樣好睇d.等bb對佢有興趣先再喂佢食~
一唔係你可以同佢玩下一d有關飯的遊戲- -"都得~

see doctor please!