一個人住,煮飯好定出街食好?

我曾在九龍灣工作, 也要 1個人煮食, 俾少少意見你 :

1) Market Place 的菜會貴啲, 但你要計實際用量, 如果在 Market Place 買半斤菜, 全部可以食, 但在街市買, 只有 2/3可以食, 你點睇 ?
還有 : 你留意一下, Market Place 是在你們收工後再次供應新鮮餸菜/肉類, 唔係街市個啲賣剩蔗.
2) Market Place 有啲特價菜, 是接近過期的菜 , 我當時買 約 $2-$3/包, 其實不貴, 不過唔係經常啱,
3) 其實我的經驗是 1個人買餸仲貴, 但無辦法, 唔係相差 10元8塊的問題, 係接受唔到味精 / 每天都食個幾味 . . .

個人提議 :
1) 你在星期天, 去街市買 3-4天的蔬菜, 要揀乾水, 貴少少無問題, 用報紙包好放入雪柜, 如果乾水, 可放 1星期, 儘量習慣食一啲可以久放的蔬菜 (如白菜 . . ., 其他問菜販, 你買咁多, 佢一定教你.)
2) 豬/牛肉類, 可以買定 1星期, 回來後 : 切片/醃味, 用保鮮合放入雪柜, 甚至可先預備 4-5天的肉類 (梅菜肉餅/咸魚肉餅/ . . . )
3) 鮮魚則一定要每天購買, 或買魚柳/魚扒, 星期天全部醃好, 回家蒸/煎即可.
4) 雞蛋買定一打, 除非你唔鍾意食.
5) 一定要煲湯, 整好湯料, 食飯時, 開火煲, 洗完碗後/甚至沖完涼後, 剛剛好, 但要留待明天才可以飲, 1個人住, 無辦法
6) 買一個有預約功能的電飯煲 (我用樂聲, 好好用), 每晚洗米後放入雪柜, 早上返工前, 將米 水放入飯煲, 按時間制, 回家後洗菜/煮餸, 輕鬆愉快. 建議要用白米搆糙米/紅米, 因為白米浸水太久, 會稔, 加糙米剛剛好.
7) 千萬不可以買足 1星期餸菜, 有時會改口味, 有時會加班, 有時會和男友出街食, 次次有多, 會討厭, 要留新鮮感給自己
8) 留意食肆的菜牌, 俾自己靈感買餸.

* * * 9) 儘量每星期有　１－２天即日買餸或斬料, 等自己有新鮮感, 無咁沉悶 * * *

2008-10-23 17:37:21 補充：
還有一個女性朋友的經驗, 與你分享 :
1) 就算加班, 佢都煮飯/帶飯, 就算晚上十一點, 照煮
2) 星期六回媽媽家中食飯, 順便帶走餸菜, 夠煮 2-3天
3) 星期五一定食乾糧, 唔煮飯, 食麵飽/公仔麵/煎餃子/意粉 . . .
4 習慣上每星期食 1次紅腸 (煎) ,
5a) 夏天佢習慣煮湯餸, 菜心 + 魚蛋/牛丸, 已經是 一個餸.
5) 故佢每星期, 只需買/諗 2-3天餸菜即可, 絶不傷神

2008-10-23 17:37:30 補充：
6) 原則上佢一定無多餘糧食, 公仔麵只會食完 一pack 後才買, 紅腸就算特價, 每星期只買 1條, 不會買 2條, 菜每天買, 加班買唔到就唔食菜, 屋企永遠無多餘之罐頭, 即買即食
7) 打風佢一定無餸, 問鄰居借罐頭/即食麵

你唔好以為佢辛苦, 那是佢獨居十多年之生活經驗, 絶不傷神, 輕鬆自在, 省錢, 健康飲食, 自得其樂.

其實都有两個可行方法:

1)可在星期曰買定一Ｄ可以冰得的肉類,首先冰咗佢,但記得要預先切定你每日要食的份量才冰,咁假如明天會煑,先一晚由冰格放入雪柜內,咁明晚煑食就易好多。至於蔬菜,其實也可預先買定,頭一两日食易爛蔬菜先,例如波菜,到星期三四才可無咁易爛嘅菜,例如菜心、白菜,其後再食瓜果。亦可每餐多煑一些,留下明晚吃,炆牛腩,炆牛展,萄國雞等都是很好的選擇,甚至可於weekend煑定些,然後冰起,放一两星期才吃也不成問題,咁就不必晚晚咁夜都又洗又切又煑,咁辛苦。

2)如果一定非吃新鮮嘢不可,亦可試試在lunch-time,去公司附近街市或超市買,一個人食的份量不會太多,應該好快買到,不過就會赶Ｄ,亦未必就腳,但總比晚上才買輕鬆一些,也多些選擇。

其實两個方法我都用過,但較喜歡第一個,有些人不喜歡吃冰過的食物,但如果處理得好,冰過的食物跟新鮮的沒分別,出街食的其實也用冰嘢,但自己煑就更有營養,所以你男朋友的確講得無錯。

識得利用時間和方法,其實煮餐飯不難,也不必花錢仲要同人迫了。

我以前會係星期六,日買晒星期一至五既蔬菜,水果,至於肉類就會買啲急凍雞翼,雞肶肉,豬排之類,如要食鮮肉,都可以係星期日買既,不過吾好買太多,最好兩三日食完,咁星期六,日你時間會多啲咪食好D囉,可以買海鮮食,其實有時你可以預先準備埋第二日食既餸,咁咪吾駛咁疲累,例如一些蒸既餸你可以預先醃好,一放工回家洗好米,就可以攞去蒸,你去沖個涼,洗個面咪有得食囉,最多咪整多油菜,自己住就係咁家啦

我以前都試過食真喺好煩, 一個人唔想煮嫁但又厭出街食, 求其食飽
就算不過此種生活都不是辦法, 後來同男朋友一起住就開始煮飯啦!
你講宜安街街市 7 時還有嘢賣, 不是完全收舖而且該時段最平都好靚嫁! 自己煮當然平過出街食, 出街一個人晚飯都要 $30-40, 自己煮$20便可如果帶飯買多些又可慳回午餐錢潻!

你好, 少少意見：

1. 係德福廣場market place購物都幾貴架..... 來佬貨嘛!!!

2. 宜安街街市賣啲嘢係平, 但如其他街市一樣, 放工時間差不多 7 點時, 就算未收晒, 啲嘢都未必會最 "靚", 但一分錢一分貨, 通貨膨脹忍耐下啦......

3. 有時唔一定煮飯會平過出街食, 睇食品係簡單定複雜, 當然名有好處啦.!.!.!

4. 男朋友成日叫你自己煮吓飯, 唔好餐餐出街食 -- 「鬼唔知名媽係女人」-- 有時要睇實際因素, 得一個人時, 放工已好疲倦, 而買野下廚會好花時間, 有時更唔符合經濟效益加添!!! 但你如果會帶飯, 就根據自己情況試下啦.... 唔好淨識聽D無謂建議.!..!


謝謝。