急!!40分(入) 鼠鼠ge耳朵抓傷了!!

耳係指耳背or耳附近嗎?耳朵好少血管,多數整傷甚至冇左部份耳都冇咩血抓傷係第隻鼠抓傷佢定係佢自己抓傷?除左流血,身體有冇其他異常?如果受傷之後好冇精神,要小心檢查返鼠鼠耳入會唔會有異常,行路又會唔會側埋一邊?
想了解一下係因咩而傷,只係話抓傷,可能係打交,身痕自己抓傷,有第野整傷,耳唔舒服抓傷,可以既話希望得到你既補充,暫時只當外傷回答

A.受傷既處理方法如下:
1)有流血既話,用藥用棉花咁住傷口,用鼠專用既外傷藥同佢搽,小心唔好整到眼耳口鼻,如果真係耳既話,則用唔到藥
2)檢查下個籠有冇d咩整親鼠鼠,有問題一定要盡快處理
3)同其他鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重.
4)如果同一籠有第隻鼠,冇受傷既鼠,都必須要仔細檢查一下真係有冇受傷
5)鼠鼠受驚啦,受驚好易會有其他毛病,同時要keep住檢查佢地既身體同排泄物有冇其他異常
6)保持個籠乾爽清潔,避免細菌感染
7)如果流血既情況嚴重, 其實都幾難止血,因為鼠鼠本身會爪會咬,如果都係止唔到既,俾佢試下自己處唔處理到.都係唔得既都幾危險,鼠鼠咁細隻,如果不斷流血,好快就會失血過多...盡快帶佢睇醫生啦.
8)睇醫生既話可以考慮一下:
大圍珍禽異獸及寵物醫院 DR.TIGER/DR.LAM
地址:大圍積信街75號地下
Tel: 2687 1030
http://www.taiwaiexotic.com/
基本診金$290,藥及手術另計

平d可以睇愛護動物協會,但嚴重既話,都可能會叫你睇大圍,因為設備不足.加上醫療車冇得揀醫生
愛護動物協會診所資料:(需入會) 馬嘉妃醫
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
診金百幾,藥及手術另計

B.可以用沖涼粉沖涼

C.對鼠鼠最佳既溫度大約20-26度,只要冷氣風口唔會對正鼠鼠,而又唔會開到連人都覺得凍,鼠鼠就可以涼冷氣既
鼠鼠原居沙漠,但唔好以為鼠鼠唔怕熱,鼠鼠係怕熱多過怕凍既.就係因為咁,鼠鼠在好熱既日頭就呢埋地底度訓,夜晚涼d先出唻活動,所以鼠鼠係夜行動物
所以唔好熱親鼠鼠,太熱時,開冷氣係一個唔錯既選擇,但記緊,唔好對正風口,唔係鼠鼠易冷親架啦

我好耐之前養倉鼠果時
都係第1次養
賣倉鼠果個人俾錯左我
2隻都係女
之後..比較強既女倉鼠打另外1隻
都係咬左耳仔冇左一小部分
當時我都好驚/3\''
好似你咁..好驚佢會死..
之後..過左一牌佢會生番出黎''
所以你唔洗咁驚!!

你係唔係一個倉鼠一個龍?如果係2個倉鼠一個龍,佢就可能比令一個倉鼠打傷左..