new sir, 請介紹多幾隻優質股票

既然你開到口問new sir, 我呢個答案大都不會是最佳答案 (如果佢都會回答的話), 但都希望交流一下心得

先講短線

以你2隻心水入面來看, 應以國壽的表現較佳

工行唔係唔好, 不過中國的經濟增速有下滑的趨勢, 中短期都不會改變, 經濟環境唔好, 壞帳風險增加, 淨息差收窄, 銀行業績都唔會好得去邊, 而最近一輪內地銀行公佈既業績亦顯示過去內銀股的強勁增長已經成為過去式, 你都見到6行們全線下挫, 工行連4蚊大位都守唔住, 這是市場對整個內銀股板塊de-rating的結果

相比內銀股, 國壽股價更硬淨
可能你會問, 大家都係中國做生意, 點解國壽會好過內銀
因為係經濟環境差果陣, 可能會多左人買保險, 保險公司會收到較多保費, 對保險公司係有利, 而國壽之前成日畀人話A股大跌搞到佢蝕好多錢, 其實國壽已經大量減持A股既倉位, 股票資產只佔國壽總資產5%左右, A股再下跌已經影響不大, 而國壽今年保費增長十分可觀, 所以國壽成為港股其中一隻股價最硬淨既
簡單黎講, 就係國壽既週期性無工行咁重


長線既話

好多人都話"長渣"一定賺, 中國長線前境看好嘛

我想講多少少

工行的總股本是3340億股, 即係當佢股價升1蚊, 佢市值就會升3340億, 長實的市值(以今日計)都只是1727億, 就算以高位$158計, 都不過3500億

你可以對工行有幾多幻想? 一年升一蚊已經等於一年升值多一間長實, 工行的盈利能力要到幾時先可以一年賺一間長實?

除非工行大削股本, 否則長線投資的話我不會選工行, 亦不會選中行, 建行, 這是股本數在千億以上的內銀股

不過, 大削股本會對股價有甚麼影響就不得而知了

而國壽總股本是282億股左右, 增長空間大好多

睇返整個中國銀行業, 基本上都係分餅仔, 至少在四大個有銀行入面係一定 (四大國有銀行是, 中, 農, 工, 建行), 唔會有一間會比起其他三間賺得特別多, 即使會有高低, 都唔會差太遠, 所以你都唔好望工行會有D乜野突破性發展

相反, 中國保險業仲維持係國壽一家獨大既情況, 國壽既市佔率成43%, 雖然保險市場既規模同銀行業無得比, 但國壽一家已經食左超過4成, 一定比工行好賺, 之前中移動咁好景都係因為一家獨大, 依家國家要再分餅仔, 所以壟斷優勢減少左, 但保險業黎講就唔似其他戰略行業如電訊, 石油行業咁支配咁多(呢D行業上得市既都係央企), 即係話唔會因為國家無lala要話重新分餅仔而搞到國壽市佔大跌(市佔第二既平保就不是央企了)

所以我唔明點解咁多人成日掛住買工行建行, 有錢不如買國壽好過, 硬要買內銀股, 長線投資既話招行既空間大過工行建行好多

希望幫到你

股票的事不是因[唱好]而買，因[唱淡]而沽。要自己分析，現在資訊發達要搜尋公司資料不難。我的回答無意針對誰，只是就著你的問題有不同的意見而已。
我認為1398、2628都是值得投資，歷史己經証明長線應買金融股。如果硬挑缺點不會沒有，但如果連工行、建行都不放心持有的話那麼還有什麼股票是可以讓人放心持有的呢?其它都是垃圾!!股市己死!!所有持股者都沒有將來!!
如果考慮股本的問題，換個角度看，1398現價3.4，2628現價21.4，21.4/3.4即是1股2628可買6.3股1398，即是2628上升1蚊1398只須上升0.16蚊。
再換個角度看，317廣船最高價是68蚊，現在是多少?是4.8。有一穜講法，一只股票由10元跌到5元你以為是夠低了，但如果它的最終下跌目標是1元那它還有80%的下跌空間，那麼1398與2628誰的下跌空間大己經不用說。
2866中集現價0.88，很多分析的人都話航運業受經濟周期影響，在未來一段時間都不會看好最好不要碰這類股票。。。，我想說你認為11元的2866風險高還是0.88的2866風險高?那麼還害怕什麼?再跌也只是0.88而已。(我不是sale股票，那不是我的工作，只是作個比喻)
如果你認為歷史是可以複製的話，事實上坊間不少人拿以往的走勢跟現在比較，PE是多少、均線拋離有多還。。。，我試用97年跟2000年恒指的下跌幅度跟現在比較:
97年:(16820-6544)/16820*31958-31958=12433
2000年:(18397-8332)/18397*31958-31958=14473
這樣看恒指今次下跌幅度是否差不多了呢?
但中國几千年歷史所發生的事件沒有一件是重複的，几次股災原因都不同，所以我認為歷史是不會重複，走勢也沒有複製。我常說底部是形成了以後再往回望才知那是底部。
現在持有股票不是價值不價值的問題，是信念，是相信中國[明天會更好]!!!
現在持有現金的你，很好!慢慢買不要急。
我講話完了，謝謝大家!!!^_^

個人意見僅供參考!!

個人認為長線唔差！

江西銅業﹑中國鋁業﹑中國高速傳動

至於有咩好同有咩唔好自己睇

推介都要做下野
(凡事都要親力親為)

發問人雖不恰當指名回答，但回答者卻為發問人舒困解憂，竭智盡力，無私奉獻，推動各方各自表述，觀念角度和諧並進，知識為大眾共享，正如 New 所說，此種精神才是Yahoo知識所要的精神啊！！！

回答得相当之精彩！！

可见回答者用尽了心机，比起很多复制一个答案走遍YAHOO+的网友好过千万倍！此种精神才是YAHOO知识所要的精神啊！！！

NEW