老婆懷胎10月見紅,,,入院第2日,醫生講可以出院等,,,等3日早上BB無心跳了

懷孕及教養孩子 其他 - 懷孕及教養孩子
2008-10-22 5:08 pm
我老婆是內地的,,我是香港,,在屯院登記時之比足3萬9(在年頭)

1) 2008年10月18 見紅(其實己到了予產期了),,入院驗查..有心跳正常..留院1晚,,第2早上,醫生講可以出院等痛才再入院生..(因為日費要$3300..因經濟問題.只好出院等)

2) 2008年10月19,,中午留下醫生叫留待驗的小便,,比完日費就出院等痛了,,事後回家無問題的,老婆還能落街放狗,,BB也有kick她..她講番那時有點分秘,旦不太維意,,,是晚BB不kick他,她諗BB只是睡了,,直到20號.發現不對勁..入院.........check到BB無心跳了T_T

3) 是晚只好留院催生肚內的BB,,大約6時生出不在世的BB,,下午醫生講要留院一日..但護士中午後講可以自已簽紙出院..(其實醫院是否無床位,,好似好想痛人快D走gum)

PS : BB女 己不在,,,傷心也希望會因時間過,,但心中有問題(如果第1日開刀生BB,,BB可能會無事)...心中的問題醫院有否責任...希望BB你走好
更新1:

可以點樣投訴等等...諗諗下BB是被他們的引導先會這樣....

回答 (7)

2008-10-22 8:27 pm
✔ 最佳答案
以我既經驗見紅都應該留係醫院等生架喇啵，冇理由會再出院等
我覺得都係醫院既問題，雖然我唔知應該要點做，但係可以既話，就應該追討一下
雖然我對國內既孕婦沒有特別感覺，但係始終bb都係一條生命，唔可以就咁白白"希生"!!!
參考: 自己
👍 0 👎 0
2008-10-31 6:42 pm
節哀順變!

其實我認為負責不是全係醫生錯, 如果你19號堅持唔出院, 我諗可以避免到個意外, 其實孕婦到預產期見紅應該係要係醫院等生, 子宮會隨時開隨時可以生得, 但要開到10度先可以生, 如果係第一胎, 通常會比較難生d, 通常1個鐘先開1度, 但頭幾度係最耐開的, 有些等成一日先開5度, 但開到5度已經要入產房等生, 即係最關鍵的時候應該係19號, 但你郤選擇出院, 分分鐘你太太可能已經隨時生得, 如果當日堅持留院觀察, 起碼有醫生或姑娘會按時檢查bb, 如佢無按時, 即代表佢失職, bb有咩事, 你可以告佢.

其實孕婦係預產果一週都係要好小心, 可以留院就留院, 因為始終係第一胎, 沒經驗
👍 0 👎 0
2008-10-23 11:37 pm
我睇完你個case都覺得好傷心, 你折哀順變。
我唔知complaint有無用, 但係佢地真係唔夠盡責。佢地起碼應該退返d錢俾你。
其實俾成三萬九, 不如下次去私家啦, 服務會好好多架。我是在私家選擇開刀生的, 真係安全d的。因為在政府生, 一定要自己生的, 要去到好危險才開刀的, 咁不如一早約個日子開刀好過。不經見紅陣痛等過程, 安全很多。又唔會過了時都未出世。過時又會有另一d風險。
你而家要好好安慰你的太太, 佢一定會好傷心的。
等太太身體好d再來過啦, 因為治療傷痛最好的方法是快d生過個bb, 見到新bb就唔會再咁傷心的了。
👍 0 👎 0
2008-10-23 12:38 am
而家0的政府醫院真係好差, 姑娘態度又差, 特別係對住0的內地人, 不過你一定要查明原因, 因為你太太已經足月見紅,冇理由比你地出院. 不過可能佢地會有好多理由, 如果佢地比你答案係唔接受, 你試下搵0的傳媒幫下手.
👍 0 👎 0
2008-10-22 11:40 pm
你好........我今年8月頭係屯門醫院生咗女女,我同你太太一樣見紅入院,但係入到去又無見紅無痛,我住咗一晚第二朝醫生叫我出院,我都好擔心,我一直留意BB嘅情況,到夜晚肚痛再入院生
其實,醫院有無責任真係好難告,我係生ｅ個女女之前,我陀BB到24週返屯門醫院做產前檢查,個女醫生無端端話要做下身檢查,佢檢查個下我巳經話好痛,佢話係咁架啦..............、跟住我返到屋企唔夠兩個鐘就穿咗水,我入到醫院講返之前嘅事,個個死都話唔關事,我個BB咁就死咗,跟住簽死亡證又問題多多...........
所以如果真係投訴佢地你要有心理準備,有好多難題,同用好多時間,希望你唔好太傷心.........
👍 0 👎 0
2008-10-22 11:01 pm
我不是醫生,不知道當時若開刀是否真的無事!

但聽你所講,覺得屯門醫院方面真係好有問題,無理由見紅並且到了預產期時,仲叫人返屋企!!!

我的bb都是這間醫院出世,但發現他們真的好唔專業,可能太多人在這間醫院出世,他們真的對孕婦及bb都無咩耐性及愛心!!!

每一個懷孕的婦女及家庭,都是十分期待並渴望新生命誕生,但他們有個別職員真的態度惡劣!!!我bb順利出世,真的感謝神!!!

講番你的情況,醫院事後有無講返係咩原因導致bb去世?若他們沒有任何解釋,或解釋完全不合理,我建議你投訴他們!!!雖然已經成為了事實,但起碼可以幫到日後到此醫院出世的BB及孕婦!!!

不過有一樣嘢,就是你們19日出院後,唔應該去放狗,始終隨時生得嘛,一定要好小心!!!
參考: 剛做父親的我
👍 0 👎 0
2008-10-22 6:05 pm

你好, 雖然我本身對國內過埠新娘無好感, 但有少少感受交流。
有兒有女都係一種緣份同福氣, 相信你地年紀唔大, 機會實在多的是, 不要太難過吧。
太太已有懷胎經驗, 做好準備迎接下一次有緣既子女, 謝謝。

👍 0 👎 0

收錄日期: 2021-04-28 13:30:28
原文連結 [永久失效]:
https://hk.answers.yahoo.com/question/index?qid=20081022000051KK00313

檢視 Wayback Machine 備份

　
　
　
　
　
　
　
　
　
　
　
　
　
　
　
　
　
　
　
　
Ans.fyi 參考答案 - 知識平台 © 2024 條款免責 私穩政策