蓋暗瘡的問題..................thx

如果你想避免你結婚個日會生暗瘡既話呢..
你可以由今日開始每日食1個龜0高...
因為食龜0高可以令到你唔再生暗瘡..
或者..食有沈到鹽落去既西瓜都得...

若然你真係咁唔好彩響結婚個日生暗瘡既話..
你可以咁樣化你個妝...
1.用make base..
2.粉底液..
3.粉底..
4.然後用遮暇高重點咁局部搽粒暗瘡..(用點下點下既方法..)
5.最後用乾粉..

介紹你vov牌的遮暇高..
可以響卓悅買到..
價錢唔貴..超好用...



我生左好耐暗瘡...
而家冇再生啦..
以前化妝係用呢個方法


其實我覺得你最好去睇中醫..
我睇完中醫..食左1個月藥就冇再生...
同埋keep住食有鹽西瓜同龜0高...
希望可以幫到你啦

其實如果你話驚生暗瘡既話
你可以食少d油既野，又或者比較燥既食物，例如：荔枝
你都可以食補充營養既藥黎預防
我係一個好驚生暗瘡既人，但係因為我係混合性皮膚
所以有時一定有一粒兩粒，加上我又幾為食
但係自從食左維他命B之後就少左好多生暗瘡啦
我係食開fancl house既，唔算太貴，四十蚊一包份量夠食30日
你可以參考下丫

萬一當日真係有暗瘡既話，都可以用遮瑕幫你遮
通常你結婚當日都會有化妝師跟住你
你可以要求佢幫你遮，但係以我既經驗，通常佢地都會搞到好厚粉
為左遮暗瘡搞到成塊面好白，變得好唔自然
當然我唔知你當日既化妝師會唔會咁啦
但係你都可以參考下我既方法丫

首先啦，你要先搽好base同粉底液先，睇下遮唔遮到粒暗瘡先
先考慮用唔用遮瑕產品，建議你買遮瑕度高既粉底液
多數搽完遮瑕高既粉底液，都遮到一半或以上
如果真係好大粒好明顯既話
建議你用支遮瑕掃點少少遮瑕液，點一點暗瘡位
再將面上既遮瑕液向外推開，記住千祈唔好推走中心位暗瘡既遮瑕
唔係就遮左等於無遮，只要將邊邊既遮瑕向外推就得
推完後，用手指輕輕按壓頭先推開左既遮瑕液邊沿
請記住成個既遮瑕程序都要輕手，就會做到自然既效果
跟住再用少少碎粉定妝就得，你可以用眼影掃點碎粉落遮瑕位比較方便

希望以上既建議可以幫到你啦！

化妝品可以用Concealer營采遮瑕膏

化妝師可唔可以幫你完全遮得晒要視乎你既化妝師手勢好唔好喇, 但假如你既暗瘡係好突既話, 咁就算佢幫你遮左, 都只係離遠望冇咁顯眼, 近看一樣凹凸不平.

我建議你盟始食清淡d, 等腸胃乾淨左, 毒素少左, 內外調理就事半功倍啦, 外敷既話, 介紹你用一隻叫"特麗仙"既暗瘡水, 係醫生處方, 依家部份藥房都有得買, 價錢$100以下, 好有效, 一個星期再敷一至兩次保濕面膜-->(model都係建議敷mask)讓皮膚濕潤, 減少油脂分泌, 咁就靚晒啦.

唔好俾自已咁大壓力, 因壓力都會引致暗瘡形成架, 祝你結婚個日, 靚爆全場, 哈!