拍攝focus

其實點對焦係冇關係,對焦只係為咗要令你既主體清晰.T2可以有9點自動對焦,中央點或者預設對焦點.如果周圍就只有一件主體,其實用9點自動我覺得都OK既,唔得先用預設對焦點吧.
要做到只有對焦的地方清楚不離四個方法,大光圈,長焦距同埋遠的背景.
T2由於感光完件細,實際焦距係好短的,就算zoom到盡其實都係得19mm,而且zoom到盡光圈最大只有f4.3,所以前兩項方法都用唔到,淨翻就係近對焦距離同遠背景.所以最有效的方法就係影微距,近攝背景自然就會矇,為咗要令背景夠遠,所以唔好影放喺枱面既物體,要放起件物件,水平咁影埋去,背景有得一呎左右都己經夠遠.zoom到最遠獲取最長焦距,用人像模式令光圈開大.咁應該就影到.
不過呢個方法只對細物件有效,要影人的話效果就冇乜,因為影人影微距的話可能只影到個鼻或者隻眼,走遠啲影大頭都仲有啲效果,半身已經冇乜.呢個係DC既特性,冇乜解決辦法的.
以下網頁有部機既規格
http://www.dcview.com.tw/forums/camspecnew.asp?id=1003