電腦病毒/ 駭客

想問如果電腦被駭客入侵, 網絡銀行做交易的資料係唔係會外洩?要視乎是哪一種病毒，一部份病毒是專門盜取網絡銀行的 user name 和 password 的，亦有所謂後門和木馬病毒，雖然並非針對網絡銀行，但亦會記錄低你在 keyboard 上輸入的所有資料，連帶也讓駭客知道你的網絡銀行的 user name 和 password了。普通的anti-virus軟件可否偵測到? 一般的 anti-virus 都有能力偵測以上的攻擊，問題是世上沒有 100% 有效的 anti-virus或防護軟件，所以要保障自己，唔可以只靠 anti-virus，而是要 layered defense。即係要配合埋 firewall，anti-spyware，更新系統等等。做 windows update 就好似幫間屋修葺，因為間屋 (windows) 出廠時，無可能完美，一定有漏洞，如果你唔 fix 左呢 d 漏洞，就好似間渥穿左洞，會被病毒/hacker 入侵；個防火牆就好似響大門口安裝自動門，限制唔俾病毒/hacker 自出自入，但係如果你無做 windows update，病毒/hacker 一樣可能藉個 d 漏洞就後門入屋；個防毒/反間諜就好似一個看更，萬一俾病毒/hacker 入左間屋，個防毒就負責清理它。所以你要防止被 hack 的話，其實就係要做晒以上的安全措施。，不過要記住自己都要小心，唔好亂下載或開啟 email/msn 的 file，因為就算你做足以上設施，都無可能 100% 安全的。