眼睫毛問題(20分,急)

假睫毛係咪要修剪.應該點剪?
其實假睫毛係製造時，都會做到比較長
因為想適合返唔同眼大小既人
所以你可以將假睫毛併落眼
將長左出黎既頭尾逐少剪

至於膠水問題，其實呢d膠水會好貼眼
即使其實佢既用途都一樣，但係質量差好遠
加上咁貼眼，所以建議你都係買返化妝專櫃牌子既膠水
會保証d同好容易卸，你可以去shu uemura, MAC等等
痴假睫毛一定要用膠水，所以出街時一定會用到
建議你如果趕住出街就唔好痴眼眼睫毛啦
因為呢d野需要時間，既然趕時間既話會痴得唔靚架

如果你出去買假睫毛/膠水，你先前已經提及過
MAC, shu uemura都幾好，雖然佢地都要差唔多$90一對
但係至少可以用七至八次，同埋佢地都係專出假睫毛
無論手工同質量都有保証，最緊要既係易卸同埋唔會對眼有傷害
同埋有好多款比你揀，適合返唔同場合

其實你用膠水痴左落去，好微既機會會甩
所以你唔洗擔心，最常見既情況只會係痴得唔好
即使係普通膠水痴左落去唔會中途甩左
除非你唔等膠水乾就出街啦

首先你要修剪好假睫毛先啦，要岩返你既眼型
先夾好你既真睫毛，然後最好用夾夾住假睫毛
痴上膠水，痴時最好用座檯鏡
兩隻手爭撐住檯面，由眼中間開始痴
跟住要好快咁痴咁頭同尾，唔係膠水會乾
痴時記住要確定左痴好眼中間先，跟住快速痴埋頭尾
盡量貼近真睫毛位痴，痴時要水平擺
第一，二次可能痴得唔係咁好
但係好易上手架咋，你練多d既話就可以好快
痴完後一定要記得等膠水乾，再輕輕搽上睫毛液
跟住將真假睫毛痴埋一齊，咁樣就會好自然
真假睫毛之間一定會有d空位，所以記住痴完後要係空位上畫上眼線
填左個空位

希望以上既建議可以幫到你啦！

1、假睫毛係咪要修剪.
- 假睫毛是不需要修剪的，唯一要留意的是長度是否適合你的眼睛的長度，如果假睫毛比你的眼睛長，就要剪去多出的部份

2、假睫毛可唔可以用返配果支膠水.
- 可以，如果你用過覺得可以就得了，唔一定另外配
- 好的膠水就是黏得實，唔會甩

3、 如果假睫毛中途甩左係咪好樣衰?應該點?!
- 假睫毛甩左出來當然很礙眼，如果你擔心的就帶住支膠水同牙籤，甩左就用牙籤沾小小膠水黏番果度

4、 假睫毛痴得點為之好...
http://hk.myblog.yahoo.com/ahzimakeup-work/article?mid=1271

點解唔諗吓整靚自己啲真眼睫毛呢？！例如用Nutriol Eyelash Treatment滋養睫毛液，滋養吓啲眼睫毛，令佢健康啲，生得長啲。

- 假睫毛係咪要修剪.
應該點剪?
我成日剪到平左- -" 假睫毛係唔需要修剪.
應該點剪? 要就剪頭尾,因為每人眼睛長短唔同!


- 假睫毛可唔可以用返配果支膠水.
但係d人話果d膠水好廢.
廢係邊一度?!
會唔會中途甩左? 會有機會,所以要搵D穏陣D!
你地會唔會用出街? 會, 一般出街去飲或者表演都會用!
如果我趕吾切出街買其他膠水應該點? 去卓悅或者SASA都有!

- 如果出街買買邊隻牌子好?
好係邊?
點為之好?! 平貴都有....

- 如果假睫毛中途甩左係咪好樣衰? 都幾.....
應該點?! 除埋另外嗰隻,或者帶埋膠水貼番佢.....

- 假睫毛痴得點為之好...
吾假.
應該係邊度痴起.
(睫毛中間,尾?,頭?) 由中間等於頭貼起,而且要小心貼,最好一次過,若果再貼好麻煩....
希望幫到你D......
圖片參考：http://tw.yimg.com/i/tw/ugc/rte/smiley_5.gif