✔ 最佳答案
貓狗o既指甲太長其實有好多問題,第一,佢o地o既血管同我o地唔同,我o地人留幾長都得,但佢o地o既血管就會跟住一齊長,到你想剪短o既時候就會流血!第二,佢o地D指甲長就會有機會圈返入個腳掌入面,會插住,再嚴重D就會穿過腳掌,由掌面出返o黎,到你剪o既時候就流血再抆返出o黎又流血,多多兩個傷口,佢o地行o既時候就會痛,第三,就算好彩佢D指甲係向外,唔插入手掌,但係太長,佢o地行o既時候就會痛同埋會"扇",但有機會會斷,斷o係血管位置又會流血,第四,就會好似你隻狗仔咁,長期屈住D指甲,佢o地會痛就會lam,佢o地任何位置長期濕住都會發炎or起皮膚病,你首先一定要幫佢剪指甲,剪左之後就幫佢搽返皮膚膏/皮膚水(建議用皮膚膏,因為可以停留o係傷口上面耐D),因為所有皮膚膏/水都會有消炎成份,對佢有好大o既幫助!我建議你而家都係去寵物店度比人剪左第一次先再考慮你之後會唔會自己做到,因為多數都會流血,但你冇止血粉,o係屋企流血,你o地就會好難搞,止血比較麻煩,專登買一樽o既話,雖然唔算太貴(因為一樽有排用)但買o左未必自己剪到,就浪費喇(因為你o地一定驚過佢)同埋o係屋企好少會用到止血粉,其實你定期三個星期左右剪一次會好D,一來佢會習慣,二來佢血管唔會再因為太長而流血/發炎!如果佢驚出街,你可以放佢入o岩size o既手提袋先出街,因為如果太大o既話會,你行o既時候,佢就會o係個袋入面碌前碌後,佢o地會仲驚D,但出街之前最好放一塊尿片o係袋入面,就算佢驚會賴屎/尿/暈車浪嘔,都仲有塊尿片素o左先,唔會整濕手腳,佢就會減輕再發炎/起皮膚病,同埋你清潔都會方便D!如果你都係想自己試剪,你可以買個寵物"燈罩/頭罩"幫佢戴住,咁佢就咬你唔到,同埋最好o係桌上面剪,搵多個人扶住,因為如果你o係地下剪,我相信你剪唔到一隻手佢就走o左,o係桌上剪,佢o地會有畏高而定D喇~~
你住邊區架?睇o下我可唔可以幫到你,可以e-mail再傾任何貓狗o既問題!
[email protected]
希望可以解答到你!