我自己本身係諗住重新考CE，但我d英文唔算好好，所以想搵我男友幫我補補，點知佢以「冇時間」同「自己英文都唔係好好」黎做理由推左我，講真，一個大學生要教一個中五既英文有幾難呀？之後有一排我搵唔到工做，叫我男友介紹我入去佢公司度做住先，點知佢有話「你都唔中意保險既」，就推左我。
我好多朋友聽到以上d野之後都話佢地關係唔係太尋常，於是我就要求佢同個女仔斷絕來往，佢facebook/msn果d都del哂佢，仲答應我唔再見個女仔，我起初都重新信佢。但最近，個女仔用第二個acc add返佢(亦有可能係我男友add佢)，我問點解，我男友竟然答我話唔知果個acc係個女仔gei。
自從個女仔出現左，我地gei爭吵就不斷咁出現。
以前我一發脾氣，我男友就好緊張咁哄返我。但依家佢理都唔理下我，由得我自己一個嬲。前排佢一直話佢只得我一個，冇其他女友。一個星期前開始，佢用d講笑口吻黎同我講「就算我出面有其他女朋友，我最錫果個都係你架～」，之後我表示我唔中意佢講呢d野，佢又即刻話「講笑ja，冇呀～」。
到左尋晚我地因為d少誤會而嘈起上黎，佢就同我講話同我分手，我問佢點解，佢話佢比唔到我想要既野我(即係關心同愛護)，其實我真係好唔想佢離開我，所以就挽留佢，但講左大概一個鐘到．．．佢突然同我講話，話人一世物一世，冇理由成世人都得果一個女人架？仲話想出去溝其他女，溝左之後呃佢上埋床，兩三個月到就飛佢，之後再搵第二個女仔，再上床，再飛佢…我問佢係咪已經有左目標，佢就答我話未有目標，不過佢d事業好返ｄ之後佢就會去溝咁話。佢仲問我如果我要留係佢身邊，但佢出去搞三搞四，我忍唔忍到。事實上，有邊個女仔忍到呢d野？但我真係好中意佢，所以就答佢話忍到。
其實由我識佢到依家，佢都係一個唔花心既人，有時更加會話，男人梗係以事業為重la，成日溫女果ｄ男仔冇出色架，仲話識哄自己女友果ｄ男仔係死花o靚wor。真係點都估唔到佢會做呢d野…….我諗件事唔係咁簡單，我唔知係我諗多左，定係佢本身真係ｄ咁既人。我真係好唔想冇左佢，但我一諗到佢同其他女仔上床我ｄ眼淚就忍唔到……我應該點做？繼續用愛去改變佢，定係我離開？
同埋你地諗佢係咪真係想出去搵第二個定係別有內情？另外，我比佢知道我咁care佢，係咪錯架呢？thanks!!
更新1:
頭先我男友同我講話佢唔會咁做,佢之所以咁同我講都係怕我太中意佢 佢係一個唔中意結婚同生bb gei人,我就係果類中意結婚同生bb gei人 佢覺得大家需要既野唔同,佢唔想擔誤我時間,先講d咁既大話黎令我死心 點知我就喊餐飽都死唔到心,結果佢就同我講出呢個所謂既「真相」 但我信唔信佢好....?因為佢成日五時花六時變... 我愛 t t ♥♥ ： 我就係有同佢咩過....
