狗仔耳仔流血不止, 點算?? (急問!!)

🐈 寵物台狗

terry

2008-10-20 5:19 pm

琴日帶左狗仔出去玩, 佢唔小心比第2隻狗咬損左耳仔, 我同女友已經立刻用止血粉幫佢止血, 但係止血後佢全身一"樣", 個傷口又即刻流血, 都唔知點算, 宜家剩係搵左d砂布幫佢包住左唔比佢耳仔動先冇流血, 但係我想問有咩辦法可以唔包實晒佢而又唔流血呀?? 如果正常用完止血粉止左血, 咁之後應該點做先唔會再比佢流血?? 係咪一定要去see doctor?? thx~

回答 (6)

bacon

2008-10-20 9:46 pm

✔ 最佳答案

最好去睇獸醫啦!!
冇錯,止血粉可以幫佢一d細嘅傷口做止血,但係就冇消毒同殺菌嘅作用架!!如果佢傷口太大,止血粉亦未必止到血!!
我有個朋友,佢隻狗狗又係俾其他狗狗咬損咗耳仔尖,佢用止血粉止咗血以為冇事,三日之後見到佢隻耳仔瘇晒,重有d血水,至同佢去睇獸醫,點知個獸醫話佢傷口受細菌感染,已經壞死,個耳仔尖唔要得,做咗手術之後,狗狗隻耳仔就冇咗半隻喇!!
冇錯,有時候狗狗唔係咩事都需要睇獸醫,一d小事可以唔睇就唔洗睇,但係,如果睇咗可以俾自己安心d又當買個保險嘅,就去睇啦!!
如果睇咗獸醫話冇事,你最多冇咗二三百,但係如果有事你冇同佢去睇,狗狗可能會冇咗隻耳仔架!!

參考: me

👍 0 👎 0

Irene

2008-10-21 8:10 am

我都贊成睇獸醫, check 清楚, 最近有朋友的狗狗打架後受傷, 傷口也不大, 但還是要鏠針, 醫生話狗狗唔懂得傷口唔好掂, 好易細菌感染, 唔好睇少細傷口, 若果對方的狗無打齊針, 又或者傷口冇即時消毒, 一遇到狗狗抵抗力差, 就容易引發其他併發症, 雖然可以省點錢, 但話到尾都是你的責任, 不能夠保護狗狗以致受襲, 佢又要忍受痛楚, 你忍心見到佢的可憐樣嗎﹖

👍 0 👎 0

用戶12354

2008-10-21 7:50 am

我隻狗狗上星期, 唔小心行行下街, 整損左隻腳指流血, 流左有十五分鐘左右,系慢慢咁滲出黎
雖然只系小傷, 但系我唔知佢會唔會比玻璃或其它硬物刺傷
為左保障佢健康, 同埋唔想有咩野後遺症, 做主人既我都帶佢去睇獸醫
埋單診金加藥費只系四百元左右, 而家差不多一星期, 狗狗已經好番晒
你唔好為左慳過几百蚊就唔帶佢去睇獸醫, 而且我聽你咁講佢傷口應該好深同几嚴重
就算佢而家止左血, 隨時都有机會傷口會再爆開
如果咁會可能越整越嚴重, 甚至會發炎, 我勸你盡快帶狗狗去睇獸醫為上策

2008-10-20 23:57:17 補充：
寵物店通常出售既只系一D比狗狗受皮外傷用既藥膏, 或者系臨時急救用既藥物, 並不保障你狗狗一定會完全康復

參考: 自己養狗的經驗, me

👍 0 👎 0

用戶183259

2008-10-20 5:56 pm

當然要去睇下醫生牙...耳仔流血好大件事牙...

👍 0 👎 0