早餐通常食些甚麼？便宜、有營養、方便

麥皮: 用快熟燕麥片,煲幾分鐘,打入蛋花,即成,咸甜都可。快!

Cereal: 多種口味,無糖,organic等都有,加入鮮奶,再加入乾果,新鮮水果或果仁同食, 有營養、又方便!

全麥多士: 用多士焗爐烘熱全麥方麭,搽上果jam,花生醬,加杯牛奶或果汁,easy,高纖,便宜,又有營養!

通心粉: 可用快熟通粉,或晚上煲定通粉,切定肉片,肉粒或火腿粒,早上放湯,加肉粒及冰蔬菜粒,加入通粉,最多十分鐘有得食,冬天最暖胃,又飽肚。有肉有菜有穀物嘅營養早餐。

其實可早十零二十分鐘起身,在家裹食早餐,可多Ｄ同家人共處,又不怕出面食物不夠健康,係好好嘅選擇,我支持你!

2008-11-01 14:15:15 補充：
粥: 晚上煑飯時醃定瘦肉,切定生菜絲,睡前將米放水煲十五分鐘,再放入瘦肉煲滚,然後倒入slow-cooker (电子瓦煲)開慢火煲。早上起身開大火,放入生菜,然後先疏洗,洗完面,裝起粥待涼,然後換衫,換完衫立刻可食,不怕太熱,也省時。

腸仔或火腿蛋: 起身立刻開火烚蛋,腸仔或火腿放入焗爐,然後洗面換衫,出嚟叮個餐包或加生果同吃。(用烚蛋和焗腸仔而唔用鑊煎,係因為唔洗咁難洗同唔洗睇火,咁就快Ｄ)

這樣一星期已有6餐不同早餐,星期日不如去等位飲茶啦!

燕麥....又便宜、又有營養、又方便