高清電視一問,幫幫手唔該!!!

1) HD訊號一般係指720p或者1080i,而家數碼高清廣播播緊既就係1080i訊號
HD ready即係支援這兩種輸入的顯示器,但支援只代表有畫面睇到,但就未必出得到十足解像度.例如有啲LCD電視個面版係1366 x 768.唔足以顯示1080i訊既1920 x 1080解像度,佢會將輸入的訊號計翻數降低至1366 x 768之後才顯示.
至於Full HD就係除咗支援720p及1080i輸入外(多數支援埋1080p),顯示器的面版解像度本身係達到1920 x1080的,輸入1080i或1080p訊號時可以做到點對點顯示,唔駛計數而且畫面解像度會高啲.不過價錢會比HD ready既電視貴.
2)個sales其實冇欺騙你,薄屏電視面版解像度雖然高咗,但係其實無論光暗對比度同畫面反應時間都係唔及傳統顯像管電視的.睇高解像畫面例如藍光碟或者數碼廣播係會比較細緻,店舖亦多數用呢類訊號做demo.但移動畫面拖尾會比較嚴重.尤其係傳統模擬電視解像度低,電視要夾硬計翻高個解像度,情況會更加差.所以睇呢啲訊號唯有坐遠小小等啲失真冇咁顯眼.同埋最好加翻機頂盒睇高清數碼廣播啦.