我想請問關於刑事罪行?

✔ 最佳答案

你偷咗公司六十萬, 亦同時偽造文件, 梗係犯咗刑事罪行啦! 盜竊公司60萬, 最接近嘅案例係 HKSAR v. Cheung Ying Kit(DCCC1115/2003). 案中被告偷咗原屬公司嘅$700,000. 被告無案底, 認罪, 但無還番錢俾公司. 最後被判入獄3年.
而行使假文件, 會被判入獄大約12個月.
你單嘢判刑會差不多. d罪行判刑會同期執行, 即係入獄3年.
你基本上除咗認罪外, 無其他減刑因素. 認罪可減3份1, 即係入獄2年. 在獄中行為良好, 可再扣減3份1, 即係實坐16個月.
你單嘢銀碼大兼有假文件, 坐梗無走雞. 你唔使旨意唔使坐監.
你公司有權循民事訴訟向你追討果60萬. 你無錢還佢可以要你破產.
你單嘢會上地院審. 你應請定律師, 無錢可申請法援.

回答 (1)