想把啡色木地櫃轉成白色，應該用咩油先得呢?

首先要細心磨除力架層至去其光澤，以增黏貼性，小心不要磨出介或線於木面，用濕布抹除木粉，乾透後上底漆，用多功能有斯拿的(sealer)為佳，斯拿作用是封閉木紋微孔，免油漆散入其中，形成不光滑之象。斯拿底漆乾透後，可用最幼沙紙輕打磨，邊磨邊用手觸摸至滑，再用濕布去粉待乾，滿意光滑後再上喜愛油漆。

注意：要等每一工序乾透方可做下一步。
底漆可用水性，取其快乾及易洗理。顏色面漆可用油性漆，最光靚的一類(full gloss)，視覺効果最好。

若貪快可不打磨，但効果參半。

2008-10-29 18:18:39 補充：
後記：

底、面漆可用任何顏色，如你依此步驟，定無問題。如你要白色面，我建意底色用灰或近色，不要用白，以免油白色時 "走雞"。

我若做此事，會多行一步：於第一次白漆乾透後用 1200 級之wet and dry 黑灰色砂紙落水磨多一次，此能倍增光滑，抹乾後再上最後一層白油。這樣做會歷久常新。

或若嫌白漆不夠 "令" ，可用黑灰色砂紙落水輕磨後再油"力架" 於其上亦可。

此乃至光至滑之竅門，若不怕做，任君選擇。

我離港多年，希望你可在港的五金店找到我說的材料。

不如試下痴好似牆紙之類的野,
但要平滑的 (沒有紋的)

自己做，好難做得好睇，再者白色油遮蓋カ好低，要油好的層至吾見原有顏色。一般地柜係"火局"漆，家中好難做，仲會搞到成屋天拿水味。如果係要整，簡單D買罐手噴漆，隔一尺位噴簿簿一層，再等干再簿簿噴一層，直至睇吾到底色，一般都好令下。
手油好易有筆觸，一行行好難睇，要油得靚就勁考工夫。
始終不建議自行改色，勁花工夫，工作時氣味又大，吾小心仲好易火燭，三思！