如何將自己用的電腦的id隱藏起來

一般的 FIREWALL 都有呢個功能了，就算最弱的 windows firewall 都能夠防止他人知道你的 ip 位置。可是，其實隱瞞 ip 對防止駭客盜入無大幫助的。事實上，大部份駭客盜入都係因為個 user 自己中左木馬/後門；而利用呢個方法 hack 你的話，根本唔需要事先知道你個 ip，相反，係你中了木馬/後門之後，隻野主動向個 hacker 報告你 <已經中招> 同你用緊乜野 ip。咁我地點防止 hack 進入呢？其實都不外乎 firewall，防毒，修補系統漏洞。打個比喻，部腦就係一間屋，hacker 就好似要入你屋的小偷。ip address 其實只不過係你間屋個或地址，一間屋，響度就響度，你唔話個地址被人地知，人地係見到你就見都你架啦，好難隱藏的，當你玩 msn 或 foxy 時，更加必須要向外界披露你的 ip，否則根本用唔到呢 d 功能。做 windows update 就好似幫間屋修葺，因為間屋 (windows) 出廠時，無可能完美，一定有漏洞，如果你唔 fix 左呢 d 漏洞，就好似間渥穿左洞，會被病毒/hacker 入侵；個防火牆就好似響大門口安裝自動門，限制唔俾病毒/hacker 自出自入，但係如果你無做 windows update，病毒/hacker 一樣可能藉個 d 漏洞就後門入屋；個防毒/反間諜就好似一個看更，萬一俾病毒/hacker 入左間屋，個防毒就負責清理它。所以你要防止被 hack 的話，其實就係要做晒以上的安全措施，即係使用防火牆，防毒/反間諜軟件，及定期更新系統 (做 windows update)，而隱瞞 ip address 反而並不重要的。


2008-10-19 17:27:04 補充：
補充一下，就算你有使用 firewall，有 d 情況下都無法隱藏自己的 ip 的，例如：
- 使用 msn 時，你的 msn 朋友可以知道你的 ip；
- 使用 foxy 或其他 p2p 時，其他的使用者可以得知你的 ip
- 瀏覽網頁或 forum 時，網頁主或 forum 主可以知道你的 IP

2008-10-20 13:54:03 補充：
唔好意思，我搞錯了。不過我想問清楚：你說的 id 是指甚麼？msn 的 id ？網路上的 id？電腦上各個 user account 的名稱？

2008-10-21 16:17:11 補充：
不過如果係網路上的ｉｄ，亦係同樣用上述的方法保護的。