電腦的檔案俾其他使用者看見

windows xp 已經內置了相關的功能，好簡單兩個步驟：1。先將自己的帳戶下<我的文件>設定成私人：在<我的文件>上用 mouse right click，揀 <內容>，去 <公用> tab，剔著 <確定這個資料夾為私人的>。2。為自己的帳戶加入密碼：<控制台>，<使用者帳戶>，選自己的 ACCOUNT，然後揀加入密碼。
咁以後但凡你放入<我的文件>的檔案 (包括 sub folder) 都只有你自己可以讀取，其他人甚至唔知你有乜檔案了。不過你要留意，任何一個擁有<系統管理員>權限的使用者，都能夠隨意更改或取消其他用戶 (包括了其他的系統管理員) 的密碼的。所以，要全面保護你的電腦或個人帳戶及私人文件，就要將其他的使用者變成 <受限制的帳戶>，否則你呢頭 set password，個頭其他人又可以取消/更改你個 password 再入你個 account 度睇晒你 d 文件，都係無用的。更改其他人 (家人/朋友) 使用者權限的方法：按<開始>到<控制台>，<使用者帳戶>，選擇其他人的帳戶並更改成<受限制的帳戶>就可以。你亦唔需要擔心咁做會影響到家人/朋友日常使用電腦，<受限制的帳戶>仍然能夠做一般工作，包括上網，使用大部份原本已經安裝係電腦上的軟件。只係唔能夠做以下的工作：1. 不能夠胡亂安裝 / 刪除軟件；2. 無法更改系統設定。例如不能夠 disable 個 windows firewall，或更改自己個用戶權限 (即係唔能夠將自己個帳戶昇返上 <系統管理員>，唔能夠自行增加新使用者帳戶)；3. 不能夠更改其他電腦使用者的設定 (不過仍然能夠有限度更改自己個帳戶的設定，例如 wall paper 等)。 這就可以了。但假如你因某些原因不可以將其他帳戶設定成<受限制的帳戶>，就要借助其他軟件幫助了，不過好彩，一樣有免費而且功能強大的幫手：

加密軟件 Truecrypt
呢個係一個完全免費(OpenSource)的加密軟體，功能強大而且簡單易用，我自己都用緊。最重要，係能夠為現有的硬碟(包括內置及外置) 及 USB手指加密。而且Truecrypt是 opensource軟件，絕對不含廣告/間諜軟體，而其他的免費加密軟件/crack 版軟件則不敢包了。不過要留意，呢個軟件並不是逐個文件或folder 加密的，而係會響電腦上建立一個虛擬的 drive，但凡放響個虛擬 drive 內的文件都會受到加密保護，開啟呢個虛擬的drive前就要入 password，否則乜都睇唔到，甚至唔會知道有呢個文件存在。 下載網址http://www.truecrypt.org/downloads.php新手使用簡介 (step by step 教你點做)：http://www.truecrypt.org/docs/?s=tutorial而且在 setup encryption drive 的時候，亦有 step by step 教你點做，同埋點樣增加安全性的。