身體好廋好單薄, 在家沒健身器材下, 如何練大隻?!

以你的情況，游水就係最好的選擇，能夠改善體型，令你整個人看上去厚一點。而且游水係帶氧運動，增強心肺機能，強化骨骼 (骨骼並不能夠增長，只能增加強度)，係好全面的運動。另外，在家裡做點掌上壓都有幫助的，不過效果比不上游水咁全面了。除了運動，亦必須要有均衡飲食，例如碳水化合物和蛋白質，前者提供能量，後者幫助發育和增肌。亦建議你請教學校的體育科老師，我相信他們也能夠針對你的問題，建議你做合適的運動，始終我無見過你本人，又唔知你體能和運動習慣，只能夠提供一些籠統的建議，唔夠針對性。另一方面，我並不建議你在家裡做負重運動，例如舉啞鈴 (或用其他重物代替啞鈴來舉)，因為重量訓練要由教練或懂得健身人士親身指導的，否則個動作做得唔正確的話，唔單只無效，重可能會受傷添。
順便同你分享一下我的的心得，因為我都係天生瘦仔，靠健身和營養增肌的：

１。做運動。當然最係效增肌的就是健身，不過你自己都講明唔方便去做 gym 亦無辦法，遲多幾年才做亦無問題。目前最可行的是做點帶氧運動，打好基礎，例如跑步和游水。我係健身前就連續１年努力游水，提升了心肺功能，才開始健身的。正式開始健身時，建議先去康文處轄下的ｇｙｍ，因為價錢公道又有註場免費教練。

２。充足營養。這點是很明顯吧，但天生瘦的人如何提升營養吸收呢？有幾個要訣的：

－　少食多餐，即係每餐唔需要勉強食好多，但係要分多幾餐來食，例如每天加多個下午茶（三文治）同食宵夜（例如一個麵）；

－　多食蔬菜，蔬菜同水果對腸胃吸收好大幫助的。建議每日最少食一個橙或蘋果，食夠兩個更好；

－　多食碳水化合物和合蛋白質，呢量樣野都增重同增肌都非常重要。碳水化合物合提供能量，而蛋白質係製造肌欲的重要成份；

－　少食油膩，好多人都會誤會，以為瘦人要食多點脂肪。其實剛好相反，瘦人多半都係腸胃吸收力低，而大量進食脂肪會加重腸胃負擔，結果令吸收力更差！唔係叫你唔食油，不過要少食，清清地就可以了。

３。充足睡眠。呢點好多人會忽略。唔少香港人都自以為係鐵打，唔重視睡眠，甚至視睡眠為浪費時間。其實呢個係大錯得錯，一來睡眠不足會影響健康，更重要的是，睡眠不足直接影響增肌和增重的！以健身為例，一般要增肌的話，每天要睡眠８小時，而專業的健身人士睡眠時間甚至達９至１０小時的！

４。放鬆自己。唔少瘦人（包括我）都係容易緊張，甚至帶點神經質的。所謂心廣體胖，要心情舒暢，懂得放鬆自己，才會長肉的。我自己情緒緊張的時期，真係點食點操都谷唔漲肌肉的。

５。恆心毅力。呢樣野真係無得教，卻偏偏最重要！既然你天生係瘦，要增重練大隻都絕不容易的，亦無得快，無任何捷徑，只有持之以恆，才有好成績！

詳細均衡飲食資訊可參考衛生署的<食物金字塔>：
http://2plus3.cheu.gov.hk/html/b5/index.asp?fname=index.aspx

衛生署的運動介紹：
http://www.cheu.gov.hk/b5/info/exercise_02.htm

不要以為這一份是問卷呀！
這份分分鐘可以改變你一生！
要減重，增重，保健，甚至是想皮膚靚D都可以幫到你!
請你認真而又簡略回答我的問題！
(PS請留下聯絡方法，我會盡快解答你的問題)

http://www.my3q.com/home2/240/susanrain123k/83379.phtml