辯題：男女同校比男女分校好（反方）

反方論點：
1. 一般單性學校學業成績比男女校好，如果有留意過去幾年o既會考／高考成績，會發現好多十優生、九優狀元都係o黎自單性學校。仲有好多名校，例如英皇、比利羅士，都係單性學校；
2. 學習同異性相處，除o左同學呢個途徑，仲有好多其他o既途徑，例如同老師、家人、鄰居等等；

正方論點（又或者講用o黎反駁你o既論點）：
1. o番學唔係淨係讀書本上o既o野，更加重要o既係學習點同人相處，男仕同女仕o既思相一般都好唔同，所以應該由讀書就開始學習同異性相處；
2. 單性學校出現同性戀o既機會，比讀男女校高（所以樓主你千祈唔好話單男女校oD學生會拍拖，對方實用呢個point打你，除非你諗到方法去打佢呢個point啦）；
3. 要學習同異性相處，應該首先要學校同自己年紀接近o既異性相處。

小弟10年前考A-level 中文oral就係考呢條題目，我當時自己選擇o左做反方，我仲以一敵三，最後中文呢part攞A，不過老實講。做反方好難做，我當時考A-level只係辯論8分鍾，我o個三個對手8分內都講我唔贏（當時再講落去我好大機會輸），所以我先攞A。但係辯論比賽就唔止8分鍾，正方絕對有足夠時間 fight 低你o地。

樓主我建議你去搵搵正方所講o既，係咪真係有科學根據／有權威o既人仕講過，如果無，你大可以o係台上咁反駁正方：
1. （反駁正方話讀單性學校怕羞oD）正方所講根本毫無科學根據，怕羞呢樣o野係天生，實際上並無任何一份科學研究／權威人仕話讀單性學校o既人係怕羞oD；
2. （反駁正方話讀o係同異性相處上有困難）正方所講根本毫無科學根據，根本無一份科學研究話讀單性學校o既人，會o係同異性相處上會有問題；
3. （單性學校出現同性戀o既機會，比讀男女校高）正方所講根本毫無科學根據，根本無一份科學研究話讀單性學校會增加學生變同性戀o既機會。

你呢幾點真係好有力o既反擊，因為正方一般都係會用自己o既經歷、某人某人o既經歷o黎講，自己o既經歷？只有佢知無其化人知，佢講乜都得啦。但係你唔同，我o係度列出o既第一點（即係單性學校成績好oD o個點），係有好實質o既例子作為支持。不過你咁反駁佢之前，一定要查清楚正方o既論點係咪真係無科學研究／權威人仕講過，如果唔係，你話佢無，然後佢話有，仲講埋係邊位科學家／權威人仕講，咁你就死硬。

2008-10-23 15:24:45 補充：
樓主我幫到你係咁多o架la，你比賽完之後麻煩你PM我，話我知辯論比賽o既結果係邊個贏啦，因為我都好想知我個方法work 唔 work