倉鼠媽生左BB應該食d咩?

而家應該仲有糧在籠入面?咁就唔好攪佢住,因為第一日鼠媽比較緊張,食返平日既野就可以了,如果食物太少,就要放大量鼠糧俾鼠媽,都可以俾d鼠專食既魚仔乾,都好有營養,同時俾奶粉沖既奶俾鼠媽飲,記得要常更換奶,唔係好易變壞大約到鼠b12日大左右就會出唻搵野食,就要在鼠b出唻食野之前換一次糧,將食物整碎,太碎就要加d水,唔係鼠b就食唔到or哽死

鼠鼠生左bb之後要留意以下幾點:
1)將鼠爸及其他鼠分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣

唔理鼠bb or 鼠bb被食有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb,而鼠媽媽感到威脅,都會唔理鼠bb

其實鼠鼠最好分籠,繁殖鼠鼠會有好多問題,希望你之後可以考慮唔好再繁殖鼠鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)就算唔打傷打死,都會感到壓力,壓力會誘發甩毛肚瀉等疾病
6)一籠唔止一鼠,仲會較惡,特別易咬人同比較難同主人熟
7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2008-10-19 05:30:03 補充：
係講緊人既奶粉

2008-10-20 06:17:48 補充：
每日換1-2次奶,奶係放在水樽俾鼠鼠飲既,飲到鼠b差不多出唻搵食就ok了

唔同意樓下網友tangchoman2003既講法,希望網友唔好介意及留意一下:
1)唔可以俾蔬果俾鼠媽鼠B食,原因如下:
a.蔬果好快就會變壞,如果成日更換,會令鼠媽媽緊張
b.俾鼠媽鼠b食,絕大機會係鼠媽媽一個食晒,咁就會食太多
c.水果只可以食極少,食得多會肚瀉,所以我就唔建議亂俾俾鼠鼠食
d.鼠b腸胃未發育得好,呢個時候食蔬果,更易肚瀉,鼠b有病就好易死

2008-10-20 06:17:53 補充：
2)鼠b由出生直到21日大先會戒奶分籠,如果未咁早分籠,可能會飲到28日大(但小心太遲分籠易被鼠媽打死)
鼠b 7日大已經會出毛,15日大先開眼,12日大出唻搵食之後,都一樣會飲奶,到開眼,都一樣會飲,千萬唔以為鼠b唔飲奶而將鼠b同鼠媽分開

3)俾鼠媽飲奶主要係因為怕鼠媽唔夠奶,補充返營養,雖然間中都會在市面見到有鼠奶賣,但我買過,發現已變壞,再睇過好多次,奶既樣都似係壞晒咁,所以就會俾奶粉沖既奶
奶係放在水樽,當然要確保水樽唔會漏水,咁就唔會整濕鼠鼠,如果會漏,入水都一樣會漏

媽媽應該唔洗飲奶架喎...
如果隻媽媽唔係第1胎既話.
其實第幾日都唔洗點理.
如果係第1胎既話.鼠媽會緊張d.
你可以比d細細塊既生菜果d佢食.
因為生菜應該都夠營養架啦.
同埋唔好激嬲媽媽.
比媽媽飲奶我就唔係好同意啦.
因為始終係人既食品.唔係好岩鼠.
同埋如果唔小心倒瀉奶去左bb到果時仲麻煩.
係1直比d"細細塊"既生菜同普通糧佢食得架啦.
到d BB生左毛毛.但仲未開眼果時會開始唔想飲奶.
佢地都會走出泥搵D細D.軟D既野食.
細細塊既生菜就最好不過啦.
不過D生菜唔可以岩岩係雪櫃拎出泥就放落去啊!
到BB 開左眼之後就自然唔飲奶架啦.
(我養左鼠5年.生過3次仔.養過大約30隻鼠)