疑犯每月定時到警署報到，如一直未收到出庭通知，仲要報到到幾時?

1. 會一直報到直至出庭或律政署決定唔撿控為止.
2. 報咗警, 告唔告己經唔係由事主决定, 係由律政署决定, 事主身份只係証人, 無得同被告庭外和解.
當然, 如果事主唔再追究及唔願出庭作証, 咁律政署可考慮不提証供起訴(Offer No Evidence, 簡稱ONS), 由法庭判被告自簽擔保守行為 (Bound Over). 咁就唔會留案底. 非則就會以正式審訊解決.
3. 如佢要上庭, 但即時認罪, 又歸還物品, 咁法官會覺得佢有悔意. 如果偷咗嘅物品價值唔高, 就好可能會判罰款兼守行為. 但如果偷咗嘅物品價值高, 咁就有可能會判監.
咁情況就一定會留案底.

2008-10-18 22:28:28 補充：
個人所知（執業大律師）

2008-10-18 22:33:23 補充：
在刑事案中, 案件會由律政處負責檢控, 受害人係唔需要出錢請律師嘅. 所以係無 "省卻昂貴之律師費" 呢回事.

2008-10-18 22:35:53 補充：
輔警哥哥你可能記錯咗.

　令妹由於承認了偷竊公司財物，故警方是根據有關程序，把個案送予律政司，再由律政司決定控以何罪。
　在上庭之前，有關人士必須遵照日期和時間到指定警署簽名報到；一日未上法庭，一日都要照例到署簽到，否則會被視為通緝犯。
　若令妹之公司堅持要利用法律解決，是他們的問題，大多數公司都選擇息事寧人，既可省卻昂貴之律師費，也無須糾纏太久。倘對方一意孤行要在法庭見也無可奈何。
　倘令妹沒有改口供，誠實地和盤托出整件案件之經過，若證明令妹沒心偷竊，只是手多拿走公司貨，法官都會考慮該點，予以輕判，因為偷竊若能把贓物歸還，令公司損失減到最低，法官都會酌減令妹之刑罰。法官一般會考慮罰款賠償、社會服務令以及監禁三方面。

2008-10-31 20:38:11 補充：
我一定無記錯，只是每個人提供的意見不同。