倉鼠媽媽在哺育幼兒期間會生虱

唔同意樓上網友既講法,希望網友唔好介意及留意一下:而家鼠B只係一星期大,如果拎鼠媽出唻,會令鼠媽緊張,又覺得鼠B有危險,咁就有機會將鼠B食左OR唔理鼠B

你點睇到鼠媽有蝨?理應係唔好掂鼠媽鼠b
就算知道鼠媽有蝨,都只可以唔理佢,唔係怕鼠媽咬你,而係掂佢地會增加鼠b死亡既機會,拎走鼠b仲更加係冇人照顧鼠b呢
等到鼠b 21日大戒奶分籠之後,先可以處理皮膚病既問題,而家最多只可以仔細檢查鼠鼠既食物,草同木糠會唔會有寄生物,有時有既話未必咁易睇到,呢d寄生物都會令鼠鼠甩毛or有蝨既

有皮膚病既做法:
1)有第隻鼠既話要分籠,避免傳染or第隻鼠乘機打病既鼠(不過鼠鼠其實係獨居動物,分開住會好d)
2)有皮膚病就要保持個籠乾爽清潔
3)同鼠鼠每日用藥性沖涼粉沖涼,之後噴/搽藥皮膚病既藥水,藥水應該好多有賣鼠用品既地方都會有,買既時候記得睇下有效日期.
藥水噴落傷口既時候,鼠鼠既反應會好大,我諗應該幾痛啦,所以下次噴就會更難,鼠鼠會反抗愈唻愈大,小心d唔好因為咁而噴到鼠鼠既眼耳口鼻.如果脫毛既地方接近頭部/擔心會噴得唔好,就可以用棉花棒同鼠鼠搽藥
4)唔好俾零食俾鼠鼠食,戒下口先,曾經有鼠店既人話,食人食既食物都會引致有皮膚病,而人既食物其實一般都唔適合鼠鼠,所以唔俾鼠鼠食都係好既.
5)唔好用有色or有味既木糠,因為呢d都好易令鼠鼠皮膚敏感,敏感嚴重起唻係會致命既
6)當然可以直接帶佢睇醫生啦.(如直接睇醫生,以上用藥既做法請略去)睇醫生既話可以考慮一下:
大圍珍禽異獸及寵物醫院 DR.TIGER/DR.LAM
地址:大圍積信街75號地下 Tel: 2687 1030
http://www.taiwaiexotic.com/
愛護動物協會診所資料:(需入會) 馬嘉妃醫生
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

我都試過，幫佢沖多幾次涼囉！