有冇人claim 過家居保險 ?

我claim過家居保, 之前由銀行度買, 買咗年幾左右,

因為漏水問題, 即時找銀行保險, 佢哋都即刻做嘢,

會由公証行人員, 來你家中拍照, 登記你既名同其

他資料, 都要搞成兩個月, 因為佢哋要查你所報既

損失, 例如: 要重新裝修, 你就要搵裝修師夫做個報

價單, 如果係衣服雜物有損壞, 有單有據當然最好,

但好多時都無, 你就大約報個價, 有時好似某些物

品, 初出時期會貴好多, 後期會平, 若然你是早期買,

就報早期價錢, 最重要自己也把所有物品拍照下來

作為存底, 好像我上次claim 時, 迫他們快些賠償, 因

為沒有錢怎能裝修, 但家中雜物你報的價, 保險會打

個折扣, 因為他們認為你的物件已用過, 沒有新買時

那個價值, 即是要同佢講價, 否則 ~ 自己蝕底! 買家

居保是可以, 但要看清楚內容, 及賠償細則, 因為後期

我們也發覺蝕底了, 報漏一些重要的事, 這點要留意!

我都試過claim失物, 都claim唔到,
佢話向屋苑範圍唔見野, 就唔算係唔見, 因為可能仲向家中...
(我連警都報左)
但佢份保單又寫明可claim失物...

正如你個case, 水管老化無得claim, 人為(都當你意外)破壞無得賠...
咁條水管仲可以點壞...??

好多野表明話有得claim, 裡面d terms 就會話如果點樣點樣都無得賠...
最後發現份報單其實唔買都無相干...

我claim過家居保, 十年前買份保 誠家居保, HK$550.
老婆 跌壞部DV. 賠左HK$4800.

我認為有冇得賠既關鍵係因發生什麼事而導致損失
正常黎講，門的賠償通常同俾人盜竊而破壞有關，一般的情況下，所有因舊左 (即節舊或老化) 都係唔會賠償

一般家居保險一年先收你幾百蚊，如果佢係咪都賠，佢又點賺你錢呢﹖佢的主要作用都係保障第三者責任同埋有火災或水引致的重大損失者。例如你改左浴室，點解搞到樓下漏水，咁係保險商派公證行的人查明之後，就幫你俾個筆錢者。

如果買保險係諗住要有著數的，咁就不如慳返d 錢唔好買；如果買黎係想有保障既話，咁就要清楚自己買緊乜喇！因為家居保都已經分左樓殼同家居財物呢兩部分了。

希望幫到你們啦，語氣重了，請見諒

你好, 少少經驗作分享。

其實各樣保險其實都係好難至 claim 到, 我幾反對買保險, 以前果個家居保險亦係我媽媽比銀行硬銷先會去買 (HKG Bank)。

8年前我地呢間屋因按裝關係爆咸水管, 成屋本來可以入伙, 但突然殺出此事, 幾難攪!!! HKG Bank叫我地填表格一大堆, 我已經醒目去將所有壞掉既野以逐項形式列出 (名稱+價值金額), 交表時職員仲讚賞一句 : 有史以來你份文件係最清楚架!!!

佢地叫公正行到屋企查核, 果賤人職員死口猛話 : 意外D野好難講, 錢財東西乃身外物, 冇架啦, 好多都賠唔到......, 原本表格全額約$100,000.00, 佢賠既額不足三份一, 我地唔妥協, 最終所賠金額為80% (過程非常勞氣兼火滾!!!!!!!!)。

我諗絕對唔會一D都無得賠, 睇下你有幾堅持同口大囉!

謝謝!