生過第二胎的媽媽分享

HI
你好
我生左3個
係會一胎比一胎快
我記得生個大仔戈時痛左成10個鐘
個細仔由於係清晨開始痛
痛下訓下咁
又唔係好確定係唔係生得
(個大仔戈時係見紅先
唔知肚痛生得係點)
就唔理佢繼續訓
直到9點幾痛到頂唔順
痛醒左要去醫院
去到e院己經開到5
跟住就下午1點幾就生左
生個女仲快
因為穿水先,但子宮未開
要打摧生針
朝早7:00一d感覺都無
跟住幫我打針,打完之後慢慢開始痛
到12點幾就生左
比個心理準備你
雖然係會快d
不過一個比一個痛

生頭戈兩個都算好彩
都係夜晚至朝早戈段時間痛
個人比較眼訓
一唔痛戈時可以'合'下
d時間會快過d
生個女戈陣
7:00鐘訓醒黎摧生,眼光光望住個鐘
過一個字好似平時過一個鐘咁
時間好難捱
(唔好意思,講到離哂題,一講生仔經就講極都有ha)

同埋你諗好到時你大仔邊個幫你睇住未
我生第二個戈時,個大仔都係得2歲
未正式入學,返緊托兒所
就由我入院開始擺係我奶奶度一個月
我媽咪就過黎陪我坐月
生第三個戈時咁岩係暑假
都可以放哂係我奶奶度
我個大仔都好痴身
但佢唔肯都無辦法
唯有日日打電話過去同佢傾下計
最緊要係戈個月好好咁休息
調理好個身體
n_n

第二胎係快好多, 記得記得要行多0的.我真係行好多, 痛連生都唔使一個鍾. 至於你大仔搵人返屋企湊佢都係2日啫, 因為而家政府醫院,你生左如果冇事的話第二日已經趕你走.而家間間政府醫院0的姑娘都係咁, 因為佢地人手唔夠, 我生呢個仔既時候都冇姑娘係度, 自己FEEL到佢就出來, 立即大聲叫姑娘,,哈, 努力!

記得生大女時,初初衹是小小見紅,又唔痛,仲係半夜三點幾,又怕唔係會比姑娘鬧,結果等到第二日下午三點幾先生咗,足足十二個鐘,於是生第二月胎諗著唔會咁快,晚上十點幾見穿水先打電話揾人車去浸會,由大埔到浸會途中都唔覺痛,十一點半左右到醫院先覺得有小小痛,安排入院時連姑娘都話唔急,到十二點幾入產房,十二點半就聽到姑娘話開得好快,要立刻打电話揾醫生,結果ＢＢ在一時正出世。因為鎮痛前後不到两小時,由唔痛到極痛喺在極短時間內,可能因為沒有太多時間適應,果種痛法比生第一胎時難忘十倍,但係可能係有第一胎經驗,又無咁驚,因為知會點。(其實都好矛盾,知道會痛好驚,但知道會點又令你比較安心。)
生第二胎的確可能好快,所以最好一切都準備好,例如住医院一切用品,到時坐乜嘢車去(有人教我如果好急可以打999,叫十字車,唔好等的士),仔仔點安排,照顧者可否隨時到等,都要一早有安排好。
Good Luck!