我想同屋企人香港一天遊, 要去新界區玩!

香港濕地公園
香港濕地公園坐落於天水圍東北面。公園設有1萬平方米的訪客中心及超過60公頃的濕地保護區。訪客中心設有3個各有主題的展覽廊、放映室、禮品店、濕地茶座、沼澤歷奇及嬉水樂園、資源中心及課室等。濕地保護區則包括人造濕地及水禽生境；另還有溪畔漫遊徑、浮橋及觀鳥屋等。
明星海鮮舫
沙田明星海鮮舫是全港唯一以大理石建成，形似一艘靠岸停泊的巨船酒樓。海鮮舫位於小瀝源路與大涌橋路交界處的城門河東岸旁，主要供應粵式點心、粵菜及海鮮。遊人可一邊品嚐美酒佳餚，一邊欣賞城門河兩岸的風景。
綠田園
綠田園基金是註冊非牟利慈善團體，1988年由一群關心現代農業、關心環境的人士所組成，是本港第一個有機教育農場，致力推動有機耕種及綠色生活，讓我們的食物和環境更安全健康，透過接觸泥土，讓參加者與大自然和諧共存，減少對地球的破壞。

樓主既提議都唔錯，我建議你地去濕地公園，因為嗰度真係好靚，仲可以消磨成日。樓上既朋友都有啲唔錯既提議，我再講多一、兩個。

如果有時間，可以去蕉坑既獅子會自然教育中心。呢個地方有啲似嘉道理農場，但呢個中心唔駛預約，可以免費入去參觀。入面有大把野睇，例如蝴蝶館，中藥實驗農場及農業科技展覽館等。總之嗰度好大，又可以接觸大自然，絕對係家庭日既好去處。

或者可以去流水嚮。呢個地方係粉嶺附近，係火車站有小巴搭去。呢個地方無咩，硬係夠靚。嗰度有一個波平如鏡既湖，湖邊有一個有青草地既樹林，好有歐洲原始森林feel。嗰度有啲燒烤設備，唔燒烤係湖邊行下都好正，好彩既你會係個湖上見到對面個小山丘既倒影，好有詩意。

如果樓主真係唔怕遠，可以去萬宜水庫東壩一日遊。嗰度係全港最偏僻既地方，就算係西貢北潭涌搭的士入去都要半個鐘至九個字，如果係萬宜水庫入口個亭行入去，單程都要三個鐘，所以我都係建議你搭的士出入。嗰度有奇特既岩層扭曲地形睇，而且今日新聞啱啱講左原來嗰度係全球最大既六角形岩石地形既區域，香港仲為呢度申請緊成為世界自然文化遺產。我認為會成事，因為嗰度真係好特別，係最好既地理教材。個水庫同遠山既景色係晴朗既天氣下完全係一幅完美既風景畫。睇完呢啲野，可以見識下嗰條攔海大壩既宏偉同個啲特別既錨形石點樣抵抗風浪，如果樓主時間控制得好，你絕對可以好他條咁遊覽然後係天黑前出番市區。

我都覺得大澳都係一個吾錯既地方喔!!!值得一去,,,,如果食海鮮既話,,,我覺得可以去西貢,,,因為d海鮮都吾錯喔!!!

個人覺得.... 較有特色既地點係 - 大澳. 有水鄉之稱嘛. 我同女友都去過. 仲影左好多相 tim! 如有老人家, 又唔係太辛苦呢. 又有好多懷舊野食.... 如茶棵之類. 又多海產賣... 如蝦醬之類. 又真係好好味 ka wor!! 另外, 可睇埋佢地出名既棚屋. 將來唔知仲有冇 ka la ma.....你知香港政府幾冇能 ka la.
如要入大澳, 有 2個方法. 一就係先搭地鐵入到東涌總站. 再於東涌站隔離個大嶼山巴士總站搭車入去即可. 總站至總站 ka..... 好易 ka jeh. 第二個方法係 - 於中環離島碼頭搭船入梅窩. 再係梅窩巴士總站搭巴士入大澳.

海樣公園，香港廸士尼樂團

1日之內行晒會好累,,,,,

錦田跳蚤市場 係錦田
食海鮮 係流浮山
濕地公園 係天水圍
行農場 係大棠


你既路程最好 錦田>大棠>天水圍>流浮山

但1日之內真係好辛苦因為跳蚤市場大...又要行

濕地公園大...又要行

行農場 都大..又要行.....

得食海鮮有得坐~

你無 返少少腳力..........都最好減少1樣~