我想問咩係浮粉?

浮粉可以因為面太乾/太油/粉太粗所造成
浮粉時你會見到明顯一粒粒既粉係面度，而唔係同皮膚融合埋一齊
通常d粉會跟住毛孔一粒一粒咁浮出黎

解決既方法就要睇下你係咩原因造成
面太油：你可以係妝前搽定控油產品，如果仲係浮粉，你可以用面油紙/紙巾/乾淨既海綿輕輕印走油份，再輕輕補上少少粉就得

面太乾：你可以係妝前搽定保濕精華，特別重點加強特別乾既位，如果仲係浮既話，你可以補妝時帶定保濕噴霧，先噴一噴，再用紙巾輕印乾，再補上少少粉

粉粗：建議你換左個粉餅/碎粉

其實仲有一個可能，就係你用錯粉底用品，例如油比較多，你應該用粉餅，唔用粉底液，粉餅會幫你吸油，再用粉底液溝埋油只會浮粉，相反你面較乾又用粉餅既話，面部太乾會上唔到粉，粉一樣都會浮，應該要用粉底液

希望以上既建議可以幫到你啦！

我同意網友艾達既講法, 正確選擇適合你既粉係好緊要...
如果你唔知邊隻啱你, 咁你可以去啲有得幫你check皮膚既地方買, 例如 :fanxx, shesixx...

有人同你分析你既皮膚狀況, 點都好過你自己亂搵亂試...

令外, 重有啲技巧, 你可以參考下:

粉底不浮粉小技巧 　　

你用粉底霜或粉底液上妝，最好以海綿垂直輕彈的方式，讓粉底與皮膚更融合，粉底也就比較持久。　　　　 　　

如果用兩用粉底上妝，應將海綿擰八分干後，按一般步驟上粉底，接著用干的海棉，再上一次粉底，第二次的粉底可代替蜜粉，這樣粉底不易浮粉。