✔ 最佳答案
一般情形黎講我諗好難,就算有日本既高中收你,申請visa都唔會批。
如果你真係好恨黎日本讀高中,最可行既辦法,我諗係首先叫你父親或母親申請工作簽證黎日本做野(要有日本既公司肯請佢地,仲要有充分理由說服日本入國管理局...即係好似香港入境處咁既部門...點解一定要請個香港人去做呢份工,而唔會搶日本人既飯碗)
等你父親或母親黎左日本之後,再用家族簽証申請你過黎。到時你持有有效簽證,就可以名正言順申請入讀日本既高中。
另一個有dd可能性既辦法係,如果你本身有親戚響日本,都可以叫佢試下作個理由申請你過黎...(例如你要去投靠佢呀,或者過繼俾佢之類)
同上,假如你親戚成功申請到你黎日本,咁你就可以申請入讀高中。
如果唔係香港而係英美之類既話,以我所知係有同日本高中之間既交換留學program,為期約一年左右。
好似中國大陸都有,不過香港就似乎冇喇~
如果誇張d,你試下反中國政府,然後用難民既身份逃亡去日本。如果日本政府認定你既難民資格收留你,咁你就可以留響日本讀高中喇XD