我想做九巴司機,請問是否考到既士牌,九巴都未必會聘請我呢/??

(一) 以前風光，渣巴士屬辛苦工作，請人已經難，留人就更難，所以巴士公司寧願請只得1,2號牌的人，因為怕你幾十個牌，渣渣下巴士就跳槽。

但時移世易，而家好多行都冇咁好搵，反而而家D巴士自動波，風油太，又有冷氣，舒服好多，巴士公司唔憂請唔到人之餘，加上九巴自新紅雞收購後，一味龜縮，訓練，慳得就慳，所以係對渣住10號牌的應徵者，當然係優先處理。

(二) 在而家巴士公司的角度而言，佢o地絕對係經驗不拘(當然坐底你要有三年1,2號牌齡的法定基本要求)。因為巴士公司大多都「M記化」，與其多年資高的伙計要PAY高D人工，不如年年炒年年請，KEEP住以低價聘用佢o地眼中低技術的巴士司機。

(三) 如果話對女性應徵者要求與男性不同，咁就已經犯o左法啦，所以係男女平等的。但據知好多女車長入職巴士公司，係為o左搵老公(係人都知巴士車長十有九都係男人)，但信不信由你啦。

(四) 基本上九巴長年都請人，詳情請參考下面網址。


不過順帶一提，即使你申請後，九巴邀請你去「操車」(即訓練)，考埋個17號專利公共巴士牌，亦不等於會請你，佢o地只會叫你返屋企再等。但唔使驚，當你拎到17號牌之日，自有好多人會爭住請你，到時你會發現你自己變o左明星的。

做九巴車長只要有１、２號車牌３年以上就可以，不過有巴士牌會大機會，最重要係沒有不良駕駛記錄，因為要去警察牌照部查牌，証明你沒有不良駕駛記錄先至有機會，至於經驗沒有都唔緊要，因為九巴有駕駛訓練學校，導師會教你怎樣做一個巴士車長，以我所知係經常請人，你可以上九巴綱睇。