雷曼兄弟及股市問題一問!?

如果你有睇報導，你就知道雷曼在倒閉前一直有向投資人洽談，但係就一味吊高嚟賣。三月貝爾斯登爆煲，美國政府要包底，保爾森已經萬箭穿心，所以唔肯出手，不過顯然班友無想過衍生產品市場已經超越本身抵押品市值從而泡沫爆破。當政府在猶豫不決之時，投資人對市場信心已經崩潰，畢竟係好多人下半生的倚靠，所以個市至會跌成咁。你依家印銀紙去保班大鱷，轉個身班人又去花天酒地，市民同議員都極為憤怒。倒閉同裁員潮已經開始，經濟預測又唔好，GDP跌咁公司盈利又點會好？你話PE低過10但個利潤數值係以去年所公佈計算，所以我估個市仲有得跌，而調整期唔應該少於兩年。目前應該係繼續一浪低於一浪，直至市場可以恢復信心為止。