關於冇肌肉既人問關於做gym既野

近來答過幾個類似的問題，所以部份會抄返出來，唔好見怪。Q1 我想問做運動可唔可以減到個頭?(如果係骨大我自己知冇得減,但如果係肥,做運動可唔可以減到個頭)我估計你重好後生吧？面上的脂肪主要係 baby fat，唔需要刻意減的，因為過多幾年就會自動消失。當然，如果你真係想減的話亦可以，就係做帶氧運動，例如跑步，向上行樓梯 (行就得了，不用跑) 等等。平均每星期三次，每次 30 分鐘或以上就可以了。當然，如果你體能上承受得都的話可做得密一點，每次做耐一點亦可以 (例如每次 45 分鐘)，最緊要量力而為。而所有帶氧運動都會全身減晒 (包括你塊面)，事實上，並無<局部地區性減肥>，一係唔減，一減就自然減晒全身。Q2 我係冇咩運動果d人黎....我想問點樣做先可以令到d"肌肉實d"同"持久",我唔想要大舊,因為我個人本身大大份咁...........如果你只係想有點線條，有點肌肉，這並不難，游水就是最好的鍛鍊了，同時能夠令你長一點肉又不會很大，有線條而不誇張，亦會紮實的。最重要是游水也是帶氧運動，同時增強心肺功能，強壯骨骼，一拼減肥添! 係非常之全面的運動。相反來講，無論你做乜野運動的，目標係乜，根本無需要擔心<太大隻>，因其實要練大隻係非常不容易的，就算去做 gym 舉啞鈴都唔係話練就練得到，何況係其實運動？這是杞人憂天。Q3我想問修肌肉形係唔係 = "肌肉實d"同"持久" ?如果唔係點做先可以修形?同上，其實游水已經能夠幫你達成目標了。當然，以做 gym 來講，其實亦有好多不同的鍛鍊方式，其中也有練成紮實同有耐力的練習方法的。舉個例，一般練大隻的話，每次鍛鍊一組肌肉，分三組舉鐵，每組舉 8 - 12 下，而每次鍛練後該組肌肉就要休息最少 48 小時。但係以你的目標為例，就會改成舉較輕的啞鈴，舉多幾組，同每組多舉幾下，例如分 5 組舉，每組舉 20-25 下，而且唔需要休息咁耐就可以進行下一次鍛鍊。咁樣肌肉就唔會好大，但會紮實得來又有耐力了。

我建議您學專業拉丁舞，是有氧運動，胖的可減肥、改善體型和氣質，增強自信，並可增高！

詳情請參閱: http://ddstudio.5d6d.com
http://ddstudio.5d6d.com/thread-183-1-1.html
http://ddstudio.5d6d.com/thread-191-1-1.html