假如我是散戶,可以如何買賣股票

你可於本港大部分銀行、證券行及香港中央結算公司開立證券戶口
作股票買賣用途。

如果你本身持有實物股票，你可將該等股票存入你所開立於上述機構
的戶口內，再透過市場公開進行買賣。

上述機構現時已經推行無紙化證券買賣，所有交易都以中央電子結算
形式進行，即係話你賣股票都無須拎住張股票俾賣家，中央結算系統
會自動為你搞掂。

至於買賣辦法，不論係上述任何機構，都不外乎以電話、上網甚至
書面形式通知有關機構你的買賣指示。

一般股票買賣通常有兩種形式設定價錢，一係市價盤，即你無預設買賣價格，
二係限價盤，即你有設定上/下限價格。

響香港，股票交收係以T+2形式進行。即係買賣一旦成交，
你就會響今日之後第二個工作天(星期六除外)正式為買賣進行結算，
即係話你的買賣會響今日之後第二個工作天交錢收貨，
或者係收錢交貨。

首先要去銀行或証券公司開一戶口,有錢就可以買啦,不過,最好冇呢個時間入市,風險太大.

只要你係銀行開個股票戶口, 或者係股票行開戶口, 裡面有錢便可以買, 最少要買一手, 每隻股票一手都唔同價錢, 有d一手一千股, 有d 一手五佰股, 有d 一手一萬股, 睇吓你想買邊隻, 市況唔好, 暫時忍忍手唔好買住, 希望幫倒你