(急)我衰左十一...希望有心人可以幫幫忙

我都係過來人,見到你咁我有d感同身受..
其白底的話就會好好多...
由於你已經成年 個官可能會拋你入去14日受一轉,(認罪當天)
期間係要拎報告.(包括監獄報告)
如果個官比你有得拎感化報告 社會服務令報告,
咁你就鬆口氣 有機會出返黎,
感化官黎拎報告果時,
記住要喊哂口 話比佢聽自己點後悔 以後會點點點...
等佢知道你真係知錯 知驚 ,
佢就會係份報告入面同個官話建議你去守感化(1年或年半),
個官好多時都會聽個感化官話
社會服務令係痴住感化令的,
要睇個感化官洗唔洗你去做服務令

上庭果日請個當值律師幫你求請,
之後搵d上司搵d議員果d幫你寫求情信
你就點都寫封 判刑果日比個律師代你比個官
雖然個官唔一定會睇 但係點都應該會有少少幫助

如果冇感化報告的話咁你就要做好心理準備
入勞教最少都要3個月

其實你宜家真係要好好諗下第時你會點對女方同個bb
呢個決定你亦都要比個官知道
唔係單案完左就乜事都冇的

祝你好運啦~

我好同情你個遭遇，但係我都係女仔，所以我都覺得你唔抵幫，
我覺得依家你得兩條路比你揀，
第1條路). 比佢告你，大家法庭見，正常女方d家人係care佢就好自然會陪佢去聽審啦(一黎照顧佢同bb，二黎陪伴佢等佢唔好咁激動等)，所以你係會見到佢家人架，如果佢真係堅持要告你的話，你收到通知後記得搵多d人幫你寫求情信呀，自己父母又好，同學朋友又好，你話女方家人都知你唔係玩佢個女，如果有女方家人0既求情信就會對你好有利，總知要搵d有份量0既人寫啦，講到你有幾好幾年青有為幾咁後悔咁啦，你亦都可以寫定封道歉信比女方，扮哂可憐，死狗咁啦，講明bb將來出世後雖然你唔0係佢身邊，但係都會幫手照顧bb，(正常bb係跟女方0既，但係負番d責任你好應該比番d錢女方養大佢囉，至於比幾多呢d你同家人商量啦)，總知法官比機會你講野你記得講自己好後悔等0既說話希望可以博到減輕刑罰啦，但一日未判一日都唔知你係要入牢，留案底定服務令啦，總知睇你表現啦。
第2條路). 對女方負番責任，因為我有個舊同事佢以前同佢男朋友拍拖時搞大左，果時女方14歲，但個男仔肯負責任同佢結婚，所以最後咩事都冇呀(雖然依家佢地仲係一齊，但係女方當佢老公係條狗成日話成日罵，但係都仲未離婚架，可能一個願打一個願捱啦)，但係男方當年都有去備定案囉，所以如果你可以哄得番你前女友，同佢結番婚負番責咪咩事都冇囉，如果佢唔係太難頂0既咪盡番責囉，一家三口一齊生活好過你一個嚮監牢過活嘛。我估女方都唔想bb出世冇老豆0既，做一次衰仔咪一家三口開心囉。

去議員辦事處問下D義務律師啦！有關法律一定要揾專業律師比議建。
圖片參考：http://tw.yimg.com/i/tw/ugc/rte/smiley_22.gif

衰十一就係衰左十一
監禁都係要的
唔到你唔認的
至於生唔生個bb就係女仔家人同e生來定了
點都好啦
找個好些的律師啦
有d幫助的

根據《刑事罪行條例》第124條，任何男子與一名16歲以下的女童非法性交，即屬犯罪，一經循公訴程序定罪，可處監禁5年。
唔駛講咁多，你最壞情形都係坐 5 年，或者又不至於咁差；宜家要做， 多 d 知名人士、議員、神父、牧師、老板、家人、朋友，校長等寫求情信，見感化官時要盡量令佢信你會改過，因佢份報告可左右你生死！

1) 等死

2) 拎唔拎都係要死架啦...

3) 會罰你入更新中心，之後入面d老大哥會通下你個櫃，等你知道畀人插o既滋味

4) 生左出黎要你養，算唔算刑罰?

5) 做完想唔負責任呀??? 小心不舉呀你

6) 判刑係遲早o既事，早一日同遲一日有分別架咩?

7) 你覺得自己把口可以冧得掂個官咪自己講囉

8) 你唔上訴就會係即日

9) 咁你最好自己問下佢地打唔打算出現會好d