噴射式引擎

樓主係航天版係想問噴射引擎定係火箭引擎﹖點都好，我兩款引擎既原理都講下。

先講噴射引擎。佢既原理好簡單，首先個引擎會從前方吸入空氣，入左去引擎既空氣會經過一系列既壓縮機而被壓縮，之後呢啲高壓高密度空氣會進入燃燒室，同噴入黎既燃料混合，然後啲混合空氣被點燃，令啲氣體急速膨脹幾百倍。因燃燒室空間有限，所以膨脹既空氣惟有向引擎既後方高速流去，最後經噴嘴噴出。空氣係噴出時，會產生一個同高溫氣體流動方向相反既力推動飛機前進。係高溫氣體流出噴嘴前，佢會推動一塊渦輪葉片，塊葉片會帶動引擎前既風扇吸入空氣，繼續以上既循環。

至於火箭引擎同噴射引擎則有部份相似。不過火箭引擎唔吸空氣，佢會自己帶埋氧化劑作為氧氣既來源，啲氧化劑直接進入燃燒室同燃料混合燃燒，之後既過程同噴射引擎大同小異。高溫氣體向後噴出，產生一個相反既力推動火箭前進。因為火箭唔吸空氣，所以佢可以係無空氣既大空飛行，但裝備噴射引擎既普通飛機就唔得。

2008-10-17 19:33:17 補充：
樓主好細心喎！你既疑問完全中point。你既補充問題牽涉到一啲更深入既噴射引擎結構，如果樓主想知，小弟亦唔怕講多啲。不過，首先澄清一個概念，所謂既“飛機引擎”即係“噴射引擎”，兩者係同一樣野。

2008-10-17 19:35:29 補充：
首先解釋係引擎後方既渦輪同係引擎前方既風扇之間既關係。兩者雖然係一前一後，但無錯兩者係由一條軸連接起來。所以當高溫空氣流過渦輪時，就會帶動引擎前既風扇吸氣。但係風扇後面既壓縮機又點呢﹖

2008-10-17 19:40:00 補充：
其實所有噴射引擎既壓縮機都唔只一個，通常都會分為兩段，即係前段既低壓壓縮機及後段既高壓壓縮機。而兩段壓縮機各自又細分為幾個，一般依家軍用噴射引擎共有九個壓縮機，我記得多數係前六個係低壓，後三個係高壓(實情還望高人指正)。每個壓縮機都係一塊扇葉，根據葉片不同既長度及密度造成不同既增壓比，佢地既目的係將普通空氣逐漸壓縮到可以係燃燒室同燃料充份混合。

2008-10-17 19:45:12 補充：
以前既噴射引擎較簡單，而同係未有渦輪風扇噴射引擎之前(即係無你成日係客機引擎見到嗰把大風扇)，所有壓縮機及渦輪都連接係一條軸上。但咁樣有一個問題，因為所有壓縮機同渦輪因係同一條軸上，令佢地轉速一樣，咁樣就造成低效率既問題。因為高壓壓縮機係應該要轉快啲去更有效咁壓縮空氣，所以就有人唸到，咁成個引擎一齊轉快啲，就晒高壓壓縮機咪得囉﹖

2008-10-17 19:56:46 補充：
呢條橋初頭都ok，但後來就發覺唔店，因為咁會造成嚴重既引擎喘震既問題。呢個問題係源於低壓壓縮機既扇葉長過高壓壓縮機唔少，而且流過低壓機既空氣密度比流過高壓機既空氣密度低好多。如果兩級壓縮機用同一速度轉，高壓機附近空氣密度大好多，啲空氣會好貼服咁流過葉片，而且高壓機既葉片較短，強度亦大啲，所以無咁易係轉既時候“發”來“發”去。但低壓機就唔同，條葉片長得多，轉得快會比高壓機既葉片“發”得嚴重好多，而低壓機附近既空氣密度亦低，空氣流過既時候無咁貼服。

2008-10-17 20:05:08 補充：
但仲有一個嚴重問題。就係低壓機唔可以無限制咁加大轉速，除左上述既原因之外，更重要既係當低壓機既葉片愈來愈快，會快到一個地步個低壓機無辦法再加大流過空氣既流速及密度，咁塊低壓機葉片就會好似機翼咁進入失速狀態。呢樣野就大鑊啦，因為如果低壓機葉片失速，無辦法將空氣壓縮到預計既密度，咁連帶埋後面既高壓機都有可能失速，呢樣野隨時令進入燃燒室同燃料混合既空氣唔夠而令成個引擎停俥，咁個引擎就會係空中熄火(Topgun入面Maverick&Goose架F-14出事都係源於類似既原因)。所以噴射引擎設計者就面對一個兩難，架機轉得慢就效率低，轉得快就隨時令引擎熄火。

2008-10-17 20:08:24 補充：
解決既辦法得一個，就係將由風扇至渦輪既一系列葉片安裝係唔同既軸上。現代噴射引擎通常都將風扇、低壓壓縮機及後面既渦輪裝係一個軸上，而高壓壓縮機就裝係另一條軸上。有一條軸會套住另一條軸，令佢地成為兩個同心圓柱體，兩條軸既轉速唔同，咁就大致解決上面既兩難。

2008-10-17 20:10:02 補充：
後來有人將低壓壓縮機又獨立裝係第三條軸上，令個引擎有三條同心圓軸，但呢個引擎太複雜，始終唔流行，最終依家既主流噴射引擎都係上述既兩軸式。

噴射引擎（Jet engine）是一種通過加速和排出高速流體而獲得推力的發動機，其分類有渦輪扇葉發動機、渦輪噴射發動機、火箭發動機,衝壓發動機等。
渦輪扇葉發動機（Turbofan Engine，亦稱渦扇發動機、渦輪扇發動機）是航空發動機的一種，由渦輪噴射發動機（Turbojet，簡稱渦噴發動機）發展而成。與渦噴比較，主要特點是其首級壓縮扇葉的面積大很多，除了作為壓縮空氣的用途之外，同時也具有螺旋槳的作用，能將部分吸入的空氣通過噴射引擎的外圍向後推。發動機核心部分空氣經過的部分稱為內進氣道，僅有風扇空氣經過的核心機外側部分稱為外進氣道。渦扇引擎最適合飛行速度為每小時400至2,000公里時使用，故此現在多數的噴氣機引擎都是採用渦扇發動機作為動力來源。
渦輪噴射發動機（簡稱渦噴發動機）[1]是一種渦輪發動機。特點是完全依賴燃氣流產生推力。通常用作高速飛機的動力。油耗比渦輪扇葉發動機高。
火箭引擎[1]是噴氣引擎的一種，[2]將推進劑箱或運載工具內的反應物料（推進劑）變成高速射流，由於牛頓第三定律而產生推力。火箭引擎可用於航天器推進，也可用於導彈等地面應用。
是噴射引擎的一種，他是利用高速氣流在速度改變下產生的壓力改變，達到氣體壓縮的目的原理來運作。
衝壓發動機本身沒有活動的部分，氣流從前端進氣口進入發動機之後，利用進氣道截面積的變化，讓高速氣流降低，並且提高氣體壓力。壓縮過後的氣體進入燃燒室，與燃料混合之後燃燒。由於衝壓發動機維持運作的一個重要條件就是高速氣流源源不決的從前方進入，因此發動機無法在低速或者是靜止下繼續運作，只能在一定的速度以上才可以產生推力。