我可以點去九龍城廣場?

俾個容易Ｄ，唔會咁易盪失路既方法你啦！
當然就唔係搭的士啦。
你係學生，搭港鐵有半價，咁元朗出九龍就當然係
先搭港鐵 (即係西鐵 + 地鐵) 啦。
你先係元朗搭西鐵，美孚落車。
然後經過轉線通道，去美孚地鐵站。記住唔駛出閘，
但可能要「直行直過」黃閘。
係美孚地鐵站，你要去「往中環方向」的 2 號月台，
搭荃灣線的地鐵，四個站，太子落車。
然後過對面月台，轉觀塘線的地鐵，搭兩個站，
九龍塘落車。
由元朗去到九龍塘，學生收 $8。
去到九龍塘之後，你要行返中間轉「火車」果條路，
去到「火車站」新大堂果邊出閘 (你應該知九龍塘火
車站有兩邊大堂啦)。係 D 出口搭 lift 或搭電梯直上，
一上返地面隔離有個室內既巴士 / 小巴站。你要係
果度搭專線小巴 25M，就可以直接係九龍城廣場門口
落車喇。25M 收 $4.7。

First搭西鐵係奧運站落車,搭小巴(70號)，Then係九龍城福村道落車行10分鍾,大約20元左右.....

同你講，搭68X去太子，於太子站D/E出口中間有免費穿梭巴士
（去程免費，回程要消費滿$50先得，否則要付款）
注意的是，穿梭巴士只有一部，所以大約三十分鐘一班
經界限街直過
題外話：點解咁多人要去九龍城廣場，有咩活動？我好想知呀！
（另外，搭西鐵去南昌轉12A巴士都得）

搭西鐵係奧運站落車,搭專線小巴 70，係九龍城福佬村道落車行10 min ok,total$ 20 左右 , 全情１個中