✔ 最佳答案
你想問既係咪類似"禁忌"既野啊?
1)開門做生意第一張單唔可以冩埋啲乾炒牛河啊,乾炒乜乜,乾炒物物咁囉,因為做呢行開工叫做"炒檔",咁"乾"又有浪費既意思,例如"乾等",即係白白等待,即係我地叫"齋等",咁"乾炒"意思就好似係白做,咁你話喇,開門做生意第一張單就"乾炒XX",咁咪即係一開始就"白做"囉.
2)"牛肉唔上得大枱",可能因為我地中國係以農立國掛,所以一般都對牛有着一份敬意,所以一般辦喜慶事,菜單都唔會有牛肉,你試想想你去飲嗰陣幾時見過牛肉,一般都係乳豬啊,海味啊,魚啊,雞啊咁.
3)點菜唔會點"七"個餸,一張菜單你會見到有七味餸只有一個可能,就係你去飲"解蔚酒",人走咗我地都有話乜野"頭七" "三七" 五七" "尾七"喇,即係回魂夜嗰啲日子啊,咁你話喇一般酒席點可以同個客寫七個菜呢?所謂"好事成雙"嘛,仲有啊,你去飲"解蔚酒"更加啲野食都會好多係白色架,我地有句説話叫做"無雞不成讌",人地喜慶事多數會食"當紅炸子雞啊"咁既,但如果"解蔚酒"就會係"白切雞",唔通做緊白事仲放啲紅當當既野上枱咩,但如果你會以為會有"白灼蝦"食咁你就錯喇,因"蝦"同"哈"同音,人地做白事你放啲蝦上枱,(你唔仲笑得出啊).
講住咁多先,想到再話你知.
P.S:以上所講既,去到今時今日,好多人都已經未必介意,有所謂食飯最緊要高興嘛!