跨大學轉系一問

應該只係可以quit左再報……
咁樣你就要一年時間做雙失
要睇下你過唔過到屋企人依關

到左依個地步你都係先諗諗校內轉先
如果你真係心意已決
不妨寫個email去中大政政敲門問問
睇下佢地係點諗同埋會指條咩路你行

其實咩科都好
佢地最憎係收到既學生係騎牛搵馬

你既然話自己對中大政政有興趣
你就要好了解人地個系做緊乜第日出黎會做乜
點解佢地要收你依個quit ust bba既學生唔收其他人
同埋你要解釋到點解你當年會入左ust bba
而唔係揀中大政政

作為一個收生既人
佢地會懷疑你係冇經過深思熟慮做你既決定
亦都會擔心你依種性格入左去都唔會比心機讀書
依點你要過得到人過到自己先得

你當初係唔係對大學既生活過份美化同唔理解
或者係對bba既理解同政政既理解點解咁唔同
你話你當年係迷途
讀左唔夠一個月就話ust bba好唔啱你
咁我地點包你今次真係搵啱路？
如果收左你又係唔夠一個月就quit就真係浪費資源囉

人生有好多決定係未必番到轉頭既
就算有彎轉都未必如你所想係好事
你問番自己點解覺得bba唔得係要讀中大政政
你諗住中大政政可以幫到你d咩野
你第日又想做咩野

大學只係一個階段
你要諗既係人生幾廿年做咩
而一個大學學位亦唔會定左你第日一定要行商
反而有時唔同科既涉獵會幫到你有第二種思考邏輯

如果你係認為入政政係幫到你第日從政
咁我想話依家9成從政既人都唔會係讀政政出身
從政都係係要靠自己由低做起學位幫唔到你d咩野

我都係今年科大bba yr1學生
都想轉系 XD 同病相憐
睇到呢個回應都令我自己不斷反省
不過我問過人經JUPAS 轉既話機會會大D
QUIT U 之後可以試下搵工做 吸收下經驗先丫我覺得
都未必係壞事