Re: 拍拖好煩, 點維持良好關系呀????

你係心理好累定係唔鐘意人所以唔接受呢?? 先搞清楚

另外, 拍拖無良方的... 講黎講去三幅皮,,都係叫你多忍讓, 包容, 坦誠, 體諒...等等等等...

你覺得浪費時間同精神, 係唔係覺得要傾電話, 行街呀呢D好花時間?! 其實一句到尾, 你係鐘意對方, 唔會覺得浪費架喎! 老土果句, 你係鐘意同佢相處, 唔係鐘意去做果樣野囉..

要問下自己, 你想要一個點樣既生活模式呢? 可能有D人好獨立, 拍拖都係閒閒的, 一個月見幾次, 咁可能你又覺得少呀, 對方唔緊張自己等

成日見, 可能又好似你話齋, 好side時間又麻煩

我覺得啦, 最重要你要知道自己要D咩, 先可以繼續落去囉~ 好似買野咁, 你要計劃去買, 一擊即中既機會好高... 你閒閒的逛, 可能行成日行到腳都軟都買唔到野... 到你買到返黎喇, 你都未必即刻識用, 要睇下說明書, 親身去用下先得嘛! 拍拖都係咁, 兩個人, 未曾相處過, 一齊之時就好靠包容同埋體諒架! 唔好要人地就哂你, 或者你去就哂人, 有自己原則之餘, 要平衝大家既角色囉... 點平衝呢?? 其實就係所謂包容同埋體諒

講到好似好複雜咁... 但我可以話你知, 世事真係無絕對的!! 你一定要知道自己想法如何, 唔好迷迷網網就去接受新感情, 倒頭來又換黎浪費時間呢個感覺啦

最首要係你對對方有冇feel先?如果冇就唔好浪費時間啦!
點解你覺得拍拖很累呢?會不會係你認真過頭太過愛對方,令人太
大壓力呢?
你問這個問題,本身你都有心想拍下拖,但又唔知點處理啫,其實好多事
情都有風險啦!唔試又點知得唔得呢!!!!!
如果你真想維持良好關係就盡量包容遷就忍耐尊重對方,有問題要攞出黎傾,了解對方想要些什麼,雖說講容易,但要真係做確幾難架!!!

祝你蜜運成功!!!!!!