帶住行李走來走去係麻煩少少, 尤其係上火車, 所以我o既意義同上面一樣, 請東京酒店代為保管. 如果你要check out先, 之後再去箱根的話, 酒店好少會俾你放行李o向佢o地度, 因為你再唔係佢o地o既住客啦嘛~咁唯有帶住行李.
如果你想舒適d 方便d o既話, 你可以坐高速巴士去箱根. (來回新宿 / 蘆之湖 (元箱根) 成人每位4200yen / 在新宿JR西口上車) 如果你打算o向箱根四周遊覽o既話, 就可以買埋小田急電鐵推出的週遊乘車券 (5000yen/ 兩日券 / 2007年的價錢), 此券可在箱根自由乘車區, 無限次乘搭小田急附屬的巴士, 火車, 船和空中纜車. 但如果你只係想到蘆之湖浸溫泉, 建議你只買來回巴士票好啦~
注意: 高速巴士係需要事前劃位o既~
另一個方法去箱根就係搭火車, 不過就比較辛苦d 囉~因為要帶住個行李行樓梯上上落落丫嘛, 不過行程所需o既時間就短d~小田急電鐵有好多種唔同o既火車俾客人揀o既, 個人認為買週遊券係划算d, 請到
http://www.odakyu.jp/chinese/route/index.html 查看
注意: 跟高速巴士一樣, 有些火車係需要事前劃位o既~
日本11月已經係凍o架啦~帶冬天衫就ok啦!
另外, 如果你要住溫泉旅館, 要預先book定, 而且要守承諾一定要去. 因為香港遊客的名聲已經不好啦~因為好多時都會甩底, 又唔打電話去通知人o地.
至於book溫泉旅館方面, 多數的旅館都不設網上預訂, 多數都係靠電話book, 而語言方面係日文. 如果不通日文的話, 最好請懂日文的朋友幫你訂啦~
2008-10-15 16:49:34 補充:
至於行程方面, 好睇你想行街多丫, 定係行地方多.
你話俾我聽, 我再俾d 意見你啦!
2008-10-17 13:12:51 補充:
不需要羽絨啦~雖然天氣係凍, 但未去到要著羽絨o既地步, 而且去旅行最緊要輕便~所以我o既推介係天蠶衣! 又輕又勁保暖~我o既經驗係要揀件長d 同埋o向袖口同下襬有橡筋收緊 o既外套, 最好可以長到去大脾中間o既位置, 咁樣就可以擋到d 風唔會入到身體啦~ (uniqlo 有好多o依種外套賣, 平靚正!)
2008-10-17 13:13:13 補充:
其實我覺得你o既行程唔錯呀~去旅行最緊要隨心, 自己開心就好啦~唔使要計到最盡o既~不過有一樣o野要留意, 去橫濱o個日係唔係星期6 / 日呢? 如果係, 最好早d 出發啦~假日會人多d o架~
仲有, 去箱根o個日千祈唔好揀返工 / 放工時間出發, 最好o向11am~3pm出發啦~
2008-10-17 13:13:32 補充:
其實我覺得最後兩日去箱根都 ok, 咁樣真係可以無咁辛苦, 行李只需要搬一次, 最後o個日由箱根直接去機場, 好方便~我唔贊成尾二個日返東京, 咁太辛苦啦~而且返到東京要再次check in 酒店, 第二日只係留o向東京最多半日時間, 咁樣做o既話, 不如留o向箱根優優悠悠好過啦~
2008-10-17 13:13:46 補充:
仲有, 週遊券有分3日同2日o既, 咁你留o向箱根3日, 週遊券方面都只係加多500yen 咋嘛~ 另外, 你仲可以加870yen, 就可以坐小田急o既浪漫特快列車, 咁來往新宿會快好多~ (車程1 小時20分左右), 然後再o向新宿轉JR 成田Express去機場 (約80分鐘車程), 所以由箱根旅館出發到成田機場, 大約要3個鐘左右啦~咁同新宿坐機場巴士去機場需要o既時間差唔多啦~~
2008-10-17 13:13:59 補充:
箱根旅館方面, 建議你住在湯本啦~因為交通方便嘛~而且有好多唔好o既旅館揀o架~
請看:
http://www.hakoneyumoto.com/01yumo.html o依度除o左有酒店資料之外, 仲有餐廳, 觀光資料o架~
去到箱根不妨去地獄谷, 之後再坐海盜遊覽船遊蘆之湖, 左右兩岸o既風景靚到不得了!
仲有~如果有箱根週遊券o既話, 有好多溫泉, 名勝, 博物館, 美術館, 餐廳, 購物中心都有優惠o架~詳情請看:
http://www.odakyu.jp/chinese/freepass/hakone_01.html
2008-10-17 13:16:00 補充:
哎呀, 打錯字, 應該係"箱根旅館方面, 建議你住在湯本啦~因為交通方便嘛~而且有好多好o既旅館揀o架~"