歐洲與俄羅斯一問 ?

樓主問呢個問題極為複雜，無十本八本書都答唔到你。小弟係度既回應只係極為簡化既版本。

剩係“歐洲”已經係一個好複雜既概念。因為嚴格上黎講佢只係一個地理名詞，大約指由伊比利半島(西班牙及葡萄牙)至俄國境內既烏拉爾山脈。但呢個區域之內有極多民族，文化有極大分別，剩係俄羅斯應唔應該被當為歐洲文化已經有排拗，因為傳統既所謂“歐洲文化”係以德、法及古希臘、羅馬為中心，俄羅斯長期被當成化外之民。不過好左歐洲基本上所有國家都係基督教文化，所以我地通常都當埋俄羅斯係歐洲文明。

咁樣歐洲就大致上分成三個大民族，分別係拉丁族、日耳曼族及斯拉夫族。拉丁族係羅馬人既直屬後裔，依家既意大利人、西班牙及葡萄牙人、羅馬尼亞人等都係拉丁族，佢地既文字語言本身都有相似既地方。日耳曼族只係一個極為籠統既總稱，起碼有兩個解釋。狹義既日耳曼人係指依家以德文為母語既人，即德國、瑞士及奧地利人。廣義既日耳曼人其實包括盎格魯．撒克遜人(即係英國人)，法蘭克人(即係法國人)、荷蘭人等。廣義日耳曼人之下既不同民族有自己既語言，例如德文、英文、荷蘭文等，但其實佢地既結構都幾相似，明顯係來自同一來源。

斯拉夫族大既係指德國以東既所有民族(但不包括奧地利、羅馬尼亞及匈牙利)，俄羅斯係斯拉夫族中最大既國家。佢地既文字一樣好相似，但就同拉丁族及日耳曼族既文字有南轅北轍既分別。雖然各斯拉夫民族既語言係表面上幾相似，但據我既一位朋友講呢啲民族之間唔可以唔靠翻譯去溝通。

仲有一樣野可以講埋。雖然上述三個民族既語言都只係一個極籠統既總稱，但其實上述所有歐洲國家既語言都係屬於印歐語系( Indo-European languages )既一個小分支。呢個語系分佈極廣，據維基介紹，係亞洲、歐洲、非洲、甚至大洋洲有三十億人都係講緊呢個語系之下既分支語言。

俄羅斯既貨幣係盧布。由蘇聯時代到依家俄羅斯都係用緊佢，不過佢既幣值浮動得好大，係國際上唔係好流通，起碼香港就無得換。

2008-10-17 19:26:27 補充：
聽henry兄講就無錯架啦。俄國經濟有排都追唔上歐洲先進國，歐盟暫時都唔會接受俄國，所以佢唔會用歐元。法文同葡文係普及程度上差天共地，法文係好多歐洲先進國(例如henry兄提到嗰啲)都係重要既語言，而且世界上有唔少前法國殖民地用法文。葡萄牙只係歐洲三流弱國，佢既語言只有葡萄牙自己同佢嗰啲落後到無人有既殖民地先至用葡文，所以唔駛學啦。係歐洲，除左法文之外，德文係中歐都極為常用，而意大利文則係南歐常用。不過唔駛特登學意大利文，因為西班牙文同意大利文好相似，而西班牙文除左西班牙自己用之外，美國及中、南美絕大部份國家成幾億人都講西班牙文，所以學西班牙文搭單會識少少意大利文，非常實用。

steventtw20 的答案已經十分詳盡, 現只補充一下
俄羅斯不是歐盟國, 也不是歐元區國家, 因此歐元不是法定貨幣. 俄羅斯的貨幣是盧布
葡文在歐陸只有葡萄牙和西班牙較通行. 而法語的流行程度比葡語高很多. 法國, 比利時, 盧森堡和瑞士等都是法語區, 而法語在歐洲國家也十分流行的. 如果在歐洲發展, 法語比葡語更方便.

俄羅斯的貨幣是盧布(Rouble).
歐洲是多元民族的社會, 不同種族有各自的語言, 主要語言有英文, 德文, 法文及西班牙文, 有些國家靠近主要語系國家, 語言也會跟隨, 如瑞士, 波蘭, 奧地利的人大多數也將德文視為第二語言 (其中原因除了靠近德國外, 也因為第二次世界大戰時, 納粹德國統治過這些國家), 但因為歐洲國家的國家及民族歷史比較如美國等國家悠久, 所以它們也會保留自己的語言, 再加上歐洲各國因戰爭及政治原因, 每國均有一定數量的外國僑民, 所以它們的語言更複習, 不過它們大多數都會說一些英文.