勞工法例, 怎樣為之嚴重過失?

我去過勞工處網站度睇過有關法例，以你呢個case，你僱主應該無犯法：
http://www.labour.gov.hk/faq/cap57l_whole.htm

因為你話你犯過嚴重錯誤，莫講佢事前已經出過warning letter／口頭警告俾你，即使之前無出過 warning letter／口頭警告，你老細當時都可以就咁炒你。

Warning letter無話乜o野 final 唔 final，你要明白 warning letter o既意思：當你為一間公司打工o既時候，佢出 warning letter已經係一個「最後警告」，一般公司出warning letter係唔會有final 呢個字，因為收信o既人一般都會明呢個係最後警告。當時你收到warning letter就應該要有危機意識，如果我無估錯，封信應該仲有寫你再犯類似錯誤，就會採取進一步o既紀律處分。恕我直言，人o地白紙黑字寫到明，你應該醒水，特別係宜家個市唔好你老細更加唔會對你手下留情，你收到warning letter一係就醒醒定定唔好再犯錯，一係就先下手為強，搵定後路o係你老細炒你之前你炒佢。

口頭警告已經算係警告o既一種，包括佢叫你「以後要小心D」一樣係警告o既一種。所以佢話「已經多次警告」並無講錯。

至於你問我十年如果做錯十次事算唔算多，呢個我真係答你唔到，因為我唔知你做乜工作，亦唔知你犯乜錯，舉例講一個做收銀o既日日找錯少少錢係好正常，一般老細唔會因為咁炒佢，但係一個sales講粗口鬧客人，一次我都會覺得好多。仲有你話10年做錯10次事，你係咪近來犯錯多o左？係咪呢10次大多數都係近一年先發生？因為就憑你所講o既，你近半年已經最少4次犯錯。

至於可以點做？其實勞工處有條熱線，你可以打去問問。仲有好似你標題所講，你可以利用民政事務處o既免費法律諮詢服務，問問你所犯o既錯係咪可以當係「嚴重過失」？睇睇有無得利用呢個point上法庭向你僱主拎o番筆長期服務金