當你知道他有女友後,你會離開他嗎

性別: 男

你好, 你愛這個男人, 雖然知道他已有女朋友, 你也義無反顧的接受了他, 或許你心底有一絲希望, 就是他會最終也選擇你。開始時, 你感到這段關係可能刺激又新鮮, 而且有勝利者的感覺, 但經過時間流逝, 你感到好像不是一切都如你所願。男方一直拉据在你和他女友之間, 雖然他說他想離開他女友, 但好像只聞樓梯響, 到現在還是這樣一個三角關係, 令你很不愉快。

相信你也聽過, 要男人說分手, 他寧可無疾而終。況且現在他家人很喜歡這女孩, 她在明, 你是暗, 而他女朋友又已經開始懷疑他有第三者, 就是你的存在, 他現在應感到很難為。

作為一位男性, 我勸你一件事, 在這個時候, 不要乘虛而入, 這樣得到的感情不會長久, 這個男子可以在有女朋友的時候再搞三角戀, 你可以肯定他和你一起時不會再追求另一個女子嗎? 他潛意識中會認為你也曾是第三者, 應該明白第三者是什麼回事, 那麼你們日後還有第三四者的機會很高。而且, 他現在既然和女朋友間有問題要解決, 他女朋友也懷疑他, 在這時候, 他作為男人, 如果真的愛你, 他應該董得怎樣處理。但無論如何, 在一段關係未結束前開始另一段關係, 這個男子認真程度有限, 自制能力成疑, 誠信度不足。如果你現在要求他和女友分手等等, 那麼你日後一定自討苦吃，我勸你現在靜觀其變, 看清這個男人是一個怎麼樣的人, 是否值得你繼續愛他? 相愛不是兩個人開心便算, 如果是這樣, 他也不會有第三個人... 你吧?

我覺得佢有少少唔認真
點解要一齊左之後先同你講佢有女友
因為佢想你接受佢

係我我會離開 第三者係唔著數

我是女
我都試過做第3者
個男人仲要係結左婚既
不過我同你一樣都係一齊左先知
不過唔知點解果刻唔想同佢分開
咁就做左佢女友
因為果時我真係好想拍拖
當然我宜家一定唔會咁la
我同佢散左lu
不過大家都冇講分手
我知我同佢既關係唔可以再係咁
其實佢都同我講過話唔鍾意佢老婆
話會同佢離婚,跟住就正正式式同我一齊
咁我就話:咁你咪做左衰人﹖
佢話:做衰人就做衰人囉!!反正我對佢根本就冇feel,只係果時細細個貪玩,搞大左佢,我宜家要負責任姐
不過我唔知當時佢係唔係真係咁諗
我只係知我同佢一齊咁耐
佢都仲未同佢老婆離婚
咁我索性以後唔搵佢
佢亦搵我唔到
因為我改左電話
如果佢係真心鍾意你,就會同佢正印女友分手la
咁你地先可以正正式式起埋一齊
宜家咩年代呀??!!
唔係見左家長就代表一定要一生一世嫁
咁就同佢講我唔想再同佢一齊
我宜家知我鍾意既人係邊個了
單聲咪得囉!!
我唔信令父母睇得上眼既得佢一個

你好.. 我都係同你一樣..同佢開始時..唔知佢有女友...到開始左.. 知佢有女友時..佢話分開緊的女友... 話俾d時間佢... 後來發現..佢跟本同女友無分開..又一起返了... 我就無再搵佢... 一個月後..佢返來搵我.. 同我解釋話女友接受唔到分手..一起咁多年..唔係話分就分..叫我俾多次機會佢... 俾多d時間佢...當時..佢好誠懇....自己又真係好鐘意佢..答應等多2個月.. .. 但一個月不到..向佢提起這事...男人已扮唔記得 ...且唔想提...傾得好唔開心.... 之後...佢無再搵我... 我當然也無搵佢了... 我係好想再搵佢...但要忍...

我知我唔搵佢係等於唔俾機會自己... 但真係好辛苦... 我怕輸唔起.. .. 也唔想搶人的男友..

呢個係我的選擇.... 你睇你自己吧....但睇我的situation 就知... 你唔俾 pressure d 男人...佢地一定拖... .


原來每日都有人上演同一樣的故事... 好無奈...

我覺得, 做短期的第三者是沒有問題的, 如果是長期的, 就最好不要了.對大家都唔好.
做第三者其實係時間的交錯, 每段感情都會有尾聲的時候, 你只是在他們的關係還未正式完結時出現, 那又有做錯什麼呢? 當然, 如果他們的關係根本沒打算完結, 你這個長期第三者就要考慮離開了.
我是男, 我未做過第三者. 但我試過在一段感情的尾聲未完時和另一個女仔開始.
我把我當時的感覺講給你知把, 我想如果你男友同我的想法一樣的話, 他應該是不會同你講的.

當時我並沒有因為同時有兩個女朋友而自豪, 相反我很內疚, 還會在夢裡哭, 和現任女朋友分手是很大勇氣的. 真的很難. 尤其大家和其他人的關係, 很難做到一個電話講分手就算. 不想失去新的, 但又怕把現任的傷害.
當我正式和現任分手後, 我便向新的坦白, 新的女朋友知道後就嬲了我.
當中同時兩個女朋友的關係維持了大約兩個月.

其實你男朋友要是真的對你認真, 他應該會感受到我那時的壓力, 他應該知道, 同時傷害兩個鐘意的人, 係好好好痛苦的. 所以他必定會係短時間內作出決擇.

如果佢一直都"享受"齊人之褔的話, 我想他應該唔會決澤的, 而最後佢揀的都應該會是現任的, 而不會是你.
到時你也應該要放手吧!. 這個男人也不值得你愛.

PS, 我現在還是和新的女朋友一起, 關係也維持了6年.

明知佢有女友, 就唔好一齊, 就算你地真心相愛, 都要佢攪得清清楚楚.佢今日可以為左你唔要佢女友, 他日佢都會咁做.
如果感情唔係咁深, 算了吧.

你唔洗咁介意~你係不知情情況下做左第三者
唔係你o既錯~係男人o既錯
佢對你點~又唔可以用三言兩語話佢對你係點
因為我又真係唔清楚
不過我自己有過一樣o既經歷
我而家就同左個男仔一齊了
其實當我知道左佢已經有朋友時
我選擇左離開的了
我亦都表明左關係終止
但佢最後同佢女朋友分左手
就來搵我~就係咁我地一齊左
我又唔係叫你迫佢分手
只係我覺得如果佢真心對你
佢唔會同時間有2個女人係身邊

你可以試著離開佢
如果佢唔分手先搵返你的
呢個男人可以唔洗要~
自己亦都冇咁hurt

我想..我係你的話,
我唔會同佢開始,
既然你話開始左,
我會建議你對大家都公平d..
離開lee個男人,
要同佢講離開佢,
隨非佢同佢女友分手,
否則唔會再見佢!
我明白你想要一個名份,
亦明白佢自私
如果佢係唔愛佢女朋友, 唔捨得你,
自然會分手回來找你,
佢唔分手唔找你,
你也可以死心找別個..
男人仲有很多!

我是女的。

我會選擇離開他。因為你不是說 "這關係令我不開心" 嗎???
我並不覺得他會在短時間之內離開他的女友，我只覺得他在敷衍了事，所繼續和女友一起，又不想你離開他，才會說出總總藉口。
分手並不需要向別人交代，拍拖是兩個人的事，我猜你們都是成年人吧?! 應該有自己的想法可以決定自己的事，盡管家人很喜歡他的女友，也不代表什麼的。

我覺得他對你半真半假而已。預期要受感情既折磨，倒不如先發制人，給他一個答案。畢竟，和別人分享另一伴，對任何一個都得不到好處的。

No!

你咁咪係第三者?除非佢個女朋友主動同佢和佢家人話分手la