政府應否幫持迷你雷曼人．．．賤低？

為什麼會問這問題 ?

首先是因為有個民健聯的立法會議員說政府應該為迷債的苦主包底,這時候正是保皇黨出手護航的時候, 有沒有人看見迷債苦主要政府包底 ? 他們只是要求銀行退錢, 找政府只是要求主持公道, 報警只是要求執法, 要求執法有錯嗎 ? 但保皇黨一出手, 迷債苦主便成了過街老鼠.

且看昨天金管局在立法會說什麼, 英美國家不出售迷債給散戶, 因為中介機構本身都不能完全明白內容, 恐怕會被控告, 所以只會售于機構投資者, 這就是政府所犯的錯, 不是文件齊全便可舍責.

應盡力盡快處理問題, 除了包底還有很多事可做.

2008-10-15 17:22:26 補充：
我不是迷債苦主, 但凡事要以理出發, 不要因為一個民健聯的立法會議員說過政府應該包底, 便說他們是輸打贏要.

在立法會議員在立法會窮追猛打, 才知道英美國家不會出售迷債給散戶, 才知道有超過800名長者受欺騙買入迷債, 又知道有銀行全數退回本金給個別苦主, 任志剛承認曾多次勸告銀行, 但不獲理會, 事實証明銀行在這件事上很有問題.

請問什麼時候香港改變了, 連據理力爭, 講道理也不可以的地方, 我每天看新聞報導, 只是見到苦主們在各間銀行奔走, 到金管局求助, 又去警處, 消委會, 要求司法助, 沒有苦主要政府包底.

我希望大家都可以支持苦主們據理力爭, 根據法理, 取回公道.

我有買迷你債券。我唔係要政府包抵或賠償，大部份苦主都唔會咁要求，不過要求有人要問責。
其實今次迷你債券發現到好多唔同層面問題，講得最多有以下幾點：
1、迷你債券唔係債券
2、投資者冇睇清楚章程
3、銀行冇講清楚內容
4、相關D公司出現問題，銀行仲賣D產品
仲有好多其他層面等等

先講迷你債券唔係債券

如果迷你債券唔係債券，咁迷你月餅係唔係月餅？如果話迷你月餅唔係月餅，咁想買月餅既人會唔會買？咁政府部門會唔會俾佢賣？又如果真係有迷你月餅唔係月餅而係蛋糕，經超市出售又冇人話你知係蛋糕，咁買左之後至發現，你話可唔可以返超市退貨？又可唔可以去政府部門投訴？
理論一樣。迷你債券如果唔係債券（依家至知），你話想買債券既人會唔會買？咁政府點解仲俾佢地賣（係證監會准許以迷你債券個名去發行）？可能連證監會都唔知迷你債券唔係債券。咁試問一般市民點可以清楚明白？
當然投資有風險就係人都知。就算買個飽、買架車、買奶粉或買粒糖都有風險。不過當初買迷你債券時真係估唔到唔係債券。好似毒奶粉咁，有D人睇見奶粉成份有好高蛋白質，就俾小朋友食。到最後至發現D蛋白質係三聚氰胺。咁唔通可以話鬼叫你貪平又唔去問清楚咩！所以當時投資者會知迷你債券原來唔係債券，而係結構產品都唔出其。我想當時買債券D人或銀行賣D職員或銀行D決策人或托管人或證監會或銀監會或大部分人士都唔知迷你債券原來唔係債券。我相信只有好小人會知。
買奶粉可以去消費會投訴食品安全局。咁證監會允許唔係債券既迷你債券發行D官員，係唔係要負責任？

到投資者冇睇清楚章程
冇錯！真係冇睇過。現在在我手上份章程有過百張，講真到依家都睇唔明。就算現在打電話問銀行職員，佢地都要兩個星期至回答。不過到現在都係唔知當時買左D乜野相關產品。仲有好似去買保險或轉電話公司，佢地只會俾左錢至寄份合約。當時一樣，係要事後至收到份章程。以後會小心，冇得睇就唔好做。咁投資者當然要負責任！

銀行冇講清楚內容

有好多苦主係做開定期，經銀行職員叫買迷你債券。銀行經常要客戶做財務分析，評估客戶風險。咁高風險產品都去賣俾D做定期客，咁銀行係唔係要負責任。


我買左迷你債券十，當時成分公司（可口可樂、IBM、麥當勞、BMW、和記黃埔、HSBC&地鐵）D評級同佢地最近D評級冇下降有D仲升左（今日上網check）。打電話比銀行熱線，問佢地知唔知迷你債券十，當時究竟用我地D錢買左D乜？佢竟然話要check下先！我話個熱線都開左成個星期，咁都仲未有係手仲要走去check。唉！你話現在點會對銀行有信心！

上面有位網友好似唔多高興D苦主去嘈，我想佢一定唔係苦主。我買迷你債券時（2004年）個合約息口係平均年息4.5%但要做五年。而當時做一年定期大約2.5%，又或者當時買四年期外匯基金債券都有3.5%，如果由04年做一份一年期定期而每年本息續期，咁直至今天大約平均年息都有3.5%。咁多出1%都唔算貪掛！我當時買都知有風險（買乜都有），我知如果成分公司倒閉我會有損失，所以當時選擇迷你債券十，因為我信佢地唔會（直到依家都係）。其實呢次事件仲有好多問題，比喻有銀行在今年八月仲叫人買，銀行將來推銷D什麼產品，係唔係每次交易都要錄音等等，每樣都係一個大題目。

投資既野唔係賺就係蝕, 就如今次股市狂瀉, 大把人不是勁蝕就係成左大閘蟹, 咁可唔可以話政府唔出來托市, 攪到啲股民損手爛腳? 咁係咪所有蝕緊既股民個個都上街遊行, 要求政府賠償吖? 無人用枝槍指住你要買雷曼債券─你唔買就送粒蓮子你嘆吖嘛? 一個願打、一個願捱, 賺錢就笑騎騎, 蝕錢就要人賠, 咁政府及納稅人咪好唔得閒? 最衰就係嗰啲賤立會議員, 惟恐天下不亂, 在事件仲未攪清楚時便擺大個頭, 強行出面話要為啲苦主同政府爭取賠償, 在派晒定心丸俾啲苦主後, 才知道衰左, 你話呢啲所謂議員係咪攪屎棍吖? 其中表表者要首選那位夜夜笙歌、與民同樂─最仲意攪聯歡晚會既陳議員啦, 講玩、講表演慾佢就一流, 講到做野, 咪好似今次雷曼事件咁, 攪到啲苦主希望愈大、失望愈大, 而事到如今, 佢縮埋喺邊呢?

2008-10-15 10:36:08 補充：
樓下位苦主 : 唔係話我地涼薄, 對於你地既苦況, 將辛苦經營回來積蓄, 一下子化為烏有或唔見左一大截, 俾著我亦條氣唔順及心有不甘, 但唔買都買左, 事實已歸事實, 能向銀行追討當然最好, 但不能把所責任都歸咎政府及銀行, 政府亦有「羊」太廣告勸籲投資者小心, 要了解產品才予投資。 -待續

2008-10-15 10:36:24 補充：
續---而銀行方面, 說真的投資工具五花八門, 唔問清楚、唔去了解清楚, 分分鐘血本無歸。本小子亦曾嘗試到銀行聽取意見, 銀行給我的評級屬低風險, 只可投資保本一類基金, 但由於要支付較高的佣金, 所以本小子便轉軚買了外幣及股票, 但當然亦非順風順水, 反正輸贏都是自己的決定, 都是自己揀的, 無得怨天尤人。 -待續

2008-10-15 10:36:38 補充：
續---孤無論怎樣, 要納稅人賠償給苦主是不可能的事, 而政府要做的是檢討銀行現行的投資機制, 銀行亦要負上責任, 應予苦主共同承擔損失, 苦主們亦不要一意孤行要取回百份百本金, 能把損失減至最低已屬萬幸。

我地要用一個較客觀的態度去睇呢件事...
應該:
佢地無曬錢好慘.政府成日話要幫助市民,這不正是個好時機嗎!

唔應該:
依家全球各國快要面臨破產危機,仲要政府自己拿錢出來去幫佢地!(佢地無曬錢只識遷怒政府,當佢地贊錢時又唔見捐錢俾政府.--何況迷你雷曼呢件事都唔關政府事!)

你話呢?
如果今次政府肯拎錢出來幫呢班人,咁下次係咪又要拎來幫投資者呢, 你要知邊好多買雷曼係公司/大機構投者, 佢係長期做投買賣卦, 咁你政府係應該唔該拎錢出來呢? 你自己話啦,我唔俾答案你啦。

雖然好有好小市民都係買左雷曼, 但無計掛, 佢地今次真係貪字得個...嬲啦。