我隻倉鼠不斷發出聲音，點算??

1.聲音係指鼻發出既聲,定係真係叫既聲?定係磨牙聲?A.呼吸有聲既話,就要檢查下會唔會係d木糠好碎,又或周圍好大塵令鼠鼠個鼻唔舒服,係既話最好買d質素好d既木糠,令鼠鼠敏感既話都會好危險
用木糠要買d貴d既木糠,冇咁碎對鼠鼠好d,唔好買有味既木糠,一來加埋鼠鼠既味會好臭,二來好易令鼠鼠敏感,嚴重既過敏係會致命既

都要留意會唔會似係氣喘or打乞嚏,咁就有機會係初起感冒既,所以都要細心觀察
呼吸大聲之外,仲要留意下有冇其他問題,好似流鼻水,打乞嚏,流眼水等問題,如果連同打冷震,打乞嚏既話,嚴重起唻會係肺炎
感冒同肺炎係可以致命架,一定要小心處理.最好盡快睇醫生
唔會去睇又或未咁快去到既,可以做以下既野先:
1)有第隻鼠既話要分籠,唔係會傳染(鼠鼠本身係獨居動物,冇事都係分籠會對鼠鼠好d)
2)保持周圍既環境衛生
3)唔好俾風直接吹到鼠鼠,要鼠鼠保持溫暖,凍既時候可用鼠專用棉
4)俾一d有營養既野佢食.可以試下俾d麥片or白麵包佢
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既.
6)如果你或你既家人有感冒,都唔好接觸佢,唔係又會令鼠鼠更加易再受感染.(鼠感冒唔會傳人,唔洗擔心)

B.如果係叫既話,就要留意鼠鼠會唔會受驚?都有可能係第D唔舒服,所以要多D檢查鼠鼠身體及排泄物有冇異常,鼠鼠好少會叫到人會聽到既,因為平日鼠既音頻人係聽唔到,到鼠鼠叫到人都聽到既時候,多數都係因為痛苦or驚

2.訓既時候間中開合口都正常,如果太多呢個情況既話,要留意返牙齒有冇過長,要檢查返鼠鼠合埋口有冇問題,會唔會流口水,有過長既話就要馬上睇醫生處理,唔係過長會令鼠鼠食唔到野,甚至插穿鼠鼠而令鼠鼠死亡

3.如果你隻鼠唔咬磨牙石,就可以買一d木制玩具俾佢咬,又或可以試下鹽磚or較硬既食物棒(一支木,外面有食物包住)俾鼠鼠咬
鼠鼠係一定一定要磨牙,用咩野俾鼠鼠磨牙都可以,但一定要夠硬,夠衛生,夠安全,唔會甩色,唔會有色素(好似黃色香蕉味之類)即係唔會整傷鼠鼠,唔會好尖,又唔會係膠,所以木制同專俾鼠鼠用既磨牙用品係最好既,比較安全
有D網會叫人加D野落磨牙石去吸引鼠鼠,但其實冇咩用,鼠鼠會舔走石上既野都唔會去咬,而且加既野如果係人食OR飲既野,除左會令鼠鼠更偏食之外,對鼠鼠身體都會冇益