關於日本留學國費獎學金問題

雖然我係私費生，唔係好清楚申請國費既手續，不過而家響大學都識到一d其他國家既國費生。
以我所見，國費生初到日本，都被安排入讀屬於國立大學既東京外国語大学或大阪外国語大学（←舊年同大阪大学合併左，成為阪大既外国語学部）既日本語課程。所以如果你真係成功考到國費，根本唔需要自己去報其他日本語學校。
接受完一年日本語教育之後就升讀大學。詳細報考辦法我唔清楚，不過可以肯定既係好多大學都會優先錄取國費生，而且亦唔需要佢地好似私費生咁提出日本留学試験既成績（真係唔公平><）

至於申請其他獎學金，好老實講，如果你要讀大學院既話都仲有一d可以來日前申請定既獎學金。至於學部既話，真係冇乜。一般都係黎左日本之後再申請。你可以自己搵下：
http://www.jasso.go.jp/study_j/scholarships_sfisij.html

2008-10-17 00:21:55 補充：
你可以去日本外務省同文科省整既website睇下：
（日文）http://www.studyjapan.go.jp/jp/toj/toj0302j.html
（中文）http://www.studyjapan.go.jp/ch/toj/toj0302c.html

關於申請資格、筆試項目等，可參考呢一頁→学部留学生→募集要項
http://www.studyjapan.go.jp/jp/toj/toj0307j.html
應該係分文科、理科去考筆試。英、數、日文係一定要考。

筆試past paper：
http://www.studyjapan.go.jp/jp/toj/toj0308j.html

2008-10-17 00:22:50 補充：
我睇過下2008年份日文卷，都好淺下，大約4級程度。
唔知你有冇考過能力試啦，如果冇既話我建議你事先考左4級先。
因為有4級既話可以寫落申請表度，appeal俾人知你真係認真想去日本讀書。
（唔只申請國費，即使你要申請其他日本語學校，最好都能提出4級合格証書）

至於AL同CE成績，根據募集要項所寫，應該係唔需要呈交。
不過佢要睇你過去3年既學校成績，所以記住俾心機考好學校既exam喇！

2008-10-17 00:23:28 補充：
pass左書類審查、筆試同面試，駐港日本領事館會向日本文部科學省推薦你成為候補者，之後要再等文科省從候補者中選出採用者。關於面試內容、文科省既選拔準則就真係唔清楚。

仲有一點或者可以幫到你。
如果你既學業成績夠好，可以考上香港既大學既話，咁即使你下定決心唔留響香港讀書而要黎日本都好，我建議你最好都係考入左香港既大學先。如果申請國費獎學金時可提交香港既大學既入學証明（尤其hku、cu就當然最好），我諗成功申請既機會會大大提升。

2008-10-17 00:23:43 補充：
我響呢邊入大學時有一個香港人既前輩，佢係國費生，我聽佢講佢都係入讀左香港某大學之後先試下申請國費，後來成功被選中之後香港呢邊就辦退學，然後黎日本讀一年日文→再重新入讀日本既大學。雖然睇落好似好唗時間，又唗左香港個學位，不過佢話難得有人俾埋錢佢讀書喎。
不過呢個前輩已經畢左業，我都冇佢contact，幫唔到你問...