有關馬路上的白鴿籠

以港府嘅財力，無理由話唔夠錢？

此言差矣，唔係個個白鴿籠都裝有相機有兩個原因，第一個原因真的是撥款問題，政府係有錢，但唔係話洗就洗，要撥款。君不見十字車又殘又舊又成日死火都唔換咩，這是資源分配的問題，況且一部影快相/影衝灯的機沒有想像中便宜，要幾十萬一部，一買就唔係一、兩部，需要額外撥款才可以買。

第二個原因是設立這些白鴿籠的原意是阻嚇駕駛者不要超速/衝灯，而非增加政府收入，這就係點解在安裝系統(白鴿籠)的路上，都有設置『偵察車速攝影機』的路標，提醒駕駛人士。有人認為只要小部份白鴿籠「有料」已具阻嚇作用，設立白鴿籠的目的已達到，增加相機數目除了令庫房收入增加外，不會有額外的作用，反而增加相機數目令市民有錯覺認為政府「掠水」，所以唔係個個白鴿籠都裝有相機。