20點!十萬保障係咪太少??

1,其他國家好多都有全面擔保...香港得十萬??
世事如棋日日新！你問問題呢幾日香港政府已經宣布將銀行存款保障數目，由十萬加大到無限額！香港政府做就係慢幾拍啦，唔係其他地區相繼提高保障額，都逼唔到佢做啦！

2,我聽人話過雷曼佢地特登搞鬼,其實係自己吞晒d錢..
個人意見認為呢個傳聞可能性又唔係咁高！因為假設今次當係佢攪鬼，志在吞晒錢，但就一次過玩完，將長久以來商譽同埋招牌都打爛晒，咁角度睇好似又唔值得！始終生意係長做長有好。

3,我想知仲有幾耐會打到香港??
你指金融海嘯幾時打到香港？一早就已經到啦！你睇下股市、樓市、各行各業就知道其實香港已經沉落去水底啦！

於2008年10月14日生效措施
財政司司長曾俊華今日（星期二）宣布推出兩項新的預防措施，以進一步鞏固香港銀行體系的信心。

第一，參照現行的存款保障計劃的原則，運用外匯基金為存放於香港所有認可機構的客戶存款提供擔保，但除持牌銀行外，還包括有限制牌照銀行及接受存款公司。1 這項擔保適用於存放於香港認可機構的港元及外幣存款，包括存放於外資銀行香港分行的存款。這項擔保將涵蓋超出在存款保障計劃下的受保存款上限的存款。　

第二，成立備用銀行資本安排，目的是在有需時向本地註冊持牌銀行提供額外資本。

這兩項措施即時生效，直至2010年底，屆時會因應國際金融狀況再決定是否需要延續有關措施

十萬保障係咪太少??
答: 正常情況下係唔少的. 而且原意都係保障小存戶. 不過現在係非常時期, 當其他國家玩100%擔保, 你就要焗住跟足100%. 如果唔係, D錢走晒, 香港會忽然缺乏資金.
1,其他國家好多都有全面擔保...香港得十萬??
答: 現在香港都跟足100%擔保, 而且出奇地擔保範圍比外國更廣闊. 香港政府今次玩到好大.
2,我聽人話過雷曼佢地特登搞鬼,其實係自己吞晒d錢..
答: 江湖傳聞有時係亂講的. 有時係真的. 真係真真假假得當事人先至知. 不過雷曼CEO有好豐厚的酬金卻是事實. 不過雷曼自己如果好好地經營年年可以分好多錢, 唔需要搞個殺雞取旦咁激.
3,我想知仲有幾耐會打到香港??
答:已經打了過來. 先後被打殘的有宜進利, 佑威, 泰林, 恒豐, 百靈達, 而且陸續有來. 股市亦跌了萬幾兩萬點. 銀行之間亦失去了往日的互信. 銀行亦收緊對企業的信貸.