熊仔鼠2隻養問題（２０分）

✔ 最佳答案

首先好抱歉知道你既鼠死左,睇到呢條問題我都感到好痛心,記起之前打到肚開既鼠,加上在知識or其他網友,不斷都有類似既問題在發生A.倉鼠係獨居動動,根本唔適合同其他鼠一齊住(而熊仔鼠既地盆心態仲係最重),打死對方甚至食左對方都唔出奇,就算係所謂既"明明相處得好好"都一樣,打死對方,真係可以好快就做到
以前我都有一籠兩鼠,試過好多次以為佢地冇問題,一齊住一段時候都忽然打死晒,印象最深又有d近似你既鼠鼠死既情況都試過:
有兩兄弟,戒奶之後兩隻咁生活,個籠好大,有2間屋仔,2個瞭望台,好多野都有兩樣,平日佢地會一齊訓,互相舔對方身體,從來都冇睇到佢地打交,對當時既我唻講,覺得佢地相處得十分好咁,忽然有一日,我出去一陣,返唻見到其中一隻頭都甩左出唻,另一隻就類似你既鼠咁,肚打開左,腸都出埋唻,當時仲未死,好快就死埋了
因此,所謂既相處得好好,只係人對鼠既睇法,好多時就算睇唔到有打交既情況,但鼠鼠都會感到有壓力,壓力會影響身體or誘發疾病,呢d唔易發現,都好易被忽略

我明白坊間同鼠店都話倉鼠係群居,但從生物學角度,鼠鼠真係獨居架,只係多數鼠細個都唔打交,所以就易令人有錯覺,又有好多人話鼠打交只係,甚至話係增進感情,好彩就打唔傷,但留意一下過去既知識,就見到有不少鼠打傷打死
我都好想一籠多鼠,但好多人地講既方法我細個都試過晒,結果都一樣,唔想你步我後塵

其實鼠鼠最好分籠,如果唔同性別,繁殖鼠鼠會有好多問題,希望你可考慮以後一籠一鼠及唔好繁殖鼠鼠
我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)就算唔打傷打死,都會感到壓力,壓力會誘發甩毛肚瀉等疾病
6)一籠唔止一鼠,仲會較惡,特別易咬人同比較難同主人熟
7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

B.唔知另一隻鼠有冇受傷呢?有冇流血?記得檢查清楚有冇事
打交受傷既處理方法如下:
1)有流血既話,用藥用棉花咁住傷口,用鼠專用既外傷藥同佢搽,小心唔好整到眼耳口鼻
2)要獨立居住,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重.
3)就算冇受傷,都必須要仔細檢查一下真係有冇受傷
4)佢都受驚啦,受驚好易會有其他毛病,同時要keep住檢查佢地既身體同排泄物有冇其他異常
5)保持個籠乾爽清潔,避免細菌感染
7)如果流血既情況嚴重, 其實都幾難止血,因為鼠鼠本身會爪會咬,如果都係止唔到既,俾佢試下自己處唔處理到.都係唔得既都幾危險,鼠鼠咁細隻,如果不斷流血,好快就會失血過多...盡快帶佢睇醫生啦.
8)睇醫生既話可以考慮一下
大圍珍禽異獸及寵物醫院 DR.TIGER/DR.LAM
Tel: 2687 1030地址:大圍積信街75號地下
http://www.taiwaiexotic.com/

平d可以睇愛護動物協會,但嚴重既話,都可能會叫你睇大圍,因為設備不足.加上醫療車冇得揀醫生
愛護動物協會診所資料:(需入會) 馬嘉妃醫生
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.htm

熊仔鼠2隻養問題（２０分）

回答 (2)