天意呀~我一定要緊握機會,你地要幫幫我!!

我係一個年齡上大你幾多嘅男人，你想你個問題由女仔答，不過你嘅問題吸引到我嘅興趣，如果你唔介意，我都嚟發表吓，希望可以幫到你。
你個問題我之所以會有興趣，係因為從你嘅形容我知道你冇乜追女仔經驗(我係指真係成功嘅經驗。縱使你話曾同一個女仔拍拖，但中學年代嘅所謂追到不能作準，除非段感情可以維持到出嚟社會仍keep得住先算係成功)，但係唔緊要，喺你呢個年齡真係識得追女仔嘅男仔唔多，識嘅亦唔使post上嚟問，當年我都唔識，所以行左好多路先識，我成日諗如果當年有人指點我就好，所以我先會時不時在網上發表我嘅睇法，希望可以俾到多啲人有所啟發。
你希望女仔俾意見已經係一個冇經驗嘅表現，問追女仔策略梗係問男仔，女仔無錯係最清楚女仔嘅睇法，但女仔可以答到嘅只會係最終佢地嘅體會，正如你投資拍電影，你會去問觀眾點嘅戲你會覺得好睇，但你唔會真係請個觀眾做導演，因為觀眾只係負責睇，但唔知亦從來唔會深入研究部戲具體點拍先會咁好睇！
任何人都會有類似你咁嘅偶遇，任何男仔一遇到呢啲時候心都會火紅紅，又緊張又興奮，好想真係追到個女仔，呢種有希望嘅感覺真係好正，但正係一回事，事實上成功嘅機會好細，因為現實中大部份情侶都唔係咁嚟。
最多成為情侶嘅原由係，雙方碰巧喺同一間學校讀書或同一間公司做野，好自然就識左，於是在日常生活中，即係每日在學校或公司共處嘅n小時內，透過不同接觸，發覺對方好啱自己，然後拍拖。呢啲先叫真係有緣，因為自然環境已經製造機會俾大家認識，再製造好多機會俾大家透過學校或公司生活去了解對方，去到呢步都仲係個天幫緊，先叫真係有緣？你連識都唔知點識對方，連認識人呢一步都仲要自己努力，真係如你所想咁有緣？
既然唔係咁有緣，所以成功嘅機會自然唔高，我身邊認識嘅所有人包括一啲追女高手個女朋友都唔係咁嚟。我之所以要你認清點先算係有緣，係希望touch wood你呢個心上人追唔到，將來個天安排一個真係同係有緣嘅女仔俾你認識時，你會認清呢個係緣份而把握住，唔會失諸交臂。
但你想試吓追亦無妨，不過你點解要自我介紹你係乜水，佢點會對你呢個巴士上嘅陌生人有興趣。有好多男仔都會post上嚟問，如果我同個女仔冇乜共同話題，有乜野話題最啱，有咩野辦法搵話題，我通常嘅答案係：冇。我嘅信念係，只要大家都係香港人，已經可以有好多共同話題，你可以傾金融海嘯、雷曼苦主、長毛當選、陳慧琳結婚、甚至之前嘅奧運，嚟緊幾個月嘅經濟，甚或目前最流行嘅手機款式，海洋公園halloween等，呢啲都係香港人當下嘅熱門話題，但你而家走落地鐵隨便搵個人同你傾，你睇佢睬唔睬你？呢啲話題起碼有一樣佢會啱傾啩，但點解佢都唔睬你？因為同你呢個三唔識七嘅人冇嗰種交談氣氛。
如果你走去教會搵一個唔識得嘅教友傾，佢反而會同你傾，因為教會有呢種同陌生人傾偈嘅交談氣氛。
你要識呢個女仔，首先要製造交談氣氛，巴士冇呢種氣氛，但你可以製造。佢睇書，你可以留意下然後問佢睇嘅係乜野書，由於你自己都睇書，你咁問會比較自然，因為你好似都係一個追求學問嘅人，佢好大機會會答，咁就有話題，就有機會識佢。要認識人，同人make friend，有一個金律：人只會對自己嘅事有興趣，你要識佢，你就要表達對佢嘅野有興趣，開口問，而唔係介紹自己，迫人地對你有興趣。
講到呢度吧！你要追到佢有一段好長嘅路，而且多數唔成功，如果你想問我多啲，你可以聯絡我，因為如要講晒成個追女仔過程，太長了，冇可能一次講晒。總之希望以上嘅回應對你有所啟發。

早晨,

非常同意 andywk 的意見,很實用! 雖然話機會微,但不嘗試,將來後悔的是你,不是我哋!! 哈哈!!

記住!!!一句自然有禮貌的 '早晨' 都好重要,最少比個好印象!!

見她上車,如望到你,先微笑點頭(如她回笑,即對你有印象,好兆頭!!}一定要見她走近,才加句'早晨'

2008-10-13 09:39:10 補充：
sorry, 要開工, 遲 D 再寫!!

2008-10-13 19:43:08 補充：
我放工嗱!!

不要太興奮,如果唔係講大聲咗都唔知!!{他試過咁叫我,可能他根本唔覺,但全車望住,我當時真係想走佬!!} 佢唔驚就有鬼!

人多時,等她走近,有風度讓坐,:(早晨! 我就落車,你坐呀!) 如她肯,你就一直企係佢旁邊, 找機會同佢講野, 照 andywk 寫的, 找話題!!

如人少, 你就要睇下,跟她微笑後,她有否走近你附近坐位,所以你最好揀中間面對面的,
因為兩座位,她一定不敢坐! 如她坐到無雷公咁遠,---無辦法, 她必須有 D 矜持,為有再等時機,來日方長!!!

等你好消息!!

如果你地真係有綠分的話就會再見面。咁你就要主動D,無理由要女仔主動。例如:首先要微笑點點頭,如果佢都點旣話,你就講番你喺巴士上見過幾次面《千企5好講好有緣,心知就得》如果佢無應,你就講:「你好呀,我地好似見過幾次喎,仲認5認得?」《一定要微笑,5好太興奮用個D想食咗人既眼神》如果佢用厭惡眼神望住你就講聲Sorry,我太唐突。如果佢答你既話,即係可以傾。當然要:「自我介紹【名、我係香港專業教育學院青衣分校讀電機工程高級文憑嫁】你呢??」跟住就要靠自己講D無謂野(你邊個站落,你去邊等等)【禮貌】睇下仲有幾多時間。如果佢下一站就落:「如果你5介意,可5可以交換電話,做個朋友?」【極有誠意個样】如果肯就要自己努力用真心打動人,5肯就講:「5緊要,等我地再熟d先」就算5接受都要走個陣超有禮貌講聲ByeBye
P.S一定要攞出勇氣踏出第一步呀!!!!!!!!加油!!!努力!!!